ایک دن میں 7 امریکی طیارے تباہ ، ایرانی میڈیا کا دعویٰ

مشرقِ وسطیٰ میں کشیدگی کے دوران ایرانی میڈیا نے دعویٰ کیا ہے کہ ایک ہی دن میں امریکی فضائیہ کو بھاری نقصان اٹھانا پڑا، جس میں مجموعی طور پر 7 طیارے یا ہیلی کاپٹر تباہ یا متاثر ہوئے۔
ایرانی میڈیا رپورٹس کے مطابق ایک F-15 جنگی طیارہ ایرانی حدود میں مار گرایا گیا، جبکہ ایک A-10 جیٹ کو خلیج فارس میں نشانہ بنایا گیا۔ اس واقعے سے متعلق مبینہ ویڈیو بھی جاری کرنے کا دعویٰ کیا گیا ہے۔
مزید بتایا گیا ہے کہ کویت میں ایک چنوک ہیلی کاپٹر ڈرون حملے میں تباہ ہوا، جبکہ ریسکیو مشن کے دوران شریک دو ہیلی کاپٹر فائرنگ کی زد میں آ گئے۔
ایرانی ذرائع کے مطابق ایک اور A-10 طیارہ حملے کے بعد ہٹ ہونے پر ہنگامی لینڈنگ پر مجبور ہوا۔ اسی طرح عراق میں ایک F-16 جنگی طیارے کو بھی ایمرجنسی بنیادوں پر اتارا گیا۔
رپورٹس میں یہ بھی دعویٰ کیا گیا ہے کہ اسرائیلی حدود میں ایک KC-135 ری فیولنگ طیارے کی ہنگامی لینڈنگ کرائی گئی۔
تاہم، ان تمام دعوؤں کی آزاد ذرائع سے تصدیق نہیں ہو سکی ہے، اور نہ ہی امریکی حکام کی جانب سے اس حوالے سے کوئی باضابطہ ردعمل سامنے آیا ہے۔ ماہرین کے مطابق ایسے حالات میں دونوں جانب سے اطلاعاتی جنگ (Information Warfare) بھی شدت اختیار کر لیتی ہے،