بالی ووڈ کی معروف اداکارہ کنگنا رناوت نے اپنے فلمی کیریئر کے ابتدائی دنوں کو یاد کرتے ہوئے بتایا ہے کہ ان کی پہلی فلم میں شامل بولڈ مناظر نے ان کے والدین کو خاصی پریشانی میں مبتلا کر دیا تھا۔اداکارہ کے مطابق ان کے قدامت پسند خاندان کے لیے فلمی دنیا کو قبول کرنا آسان نہیں تھا اور ابتدا میں ان کے کام کو شکوک کی نظر سے دیکھا جاتا تھا۔ایک حالیہ انٹرویو میں کنگنا رناوت نے اپنی ڈیبیو فلم ’’گینگسٹر‘‘ کا ذکر کرتے ہوئے بتایا کہ 2006 میں ریلیز ہونے والی اس فلم میں ان کے چند جرات مندانہ مناظر بھی شامل تھے۔ فلم دیکھنے کے بعد ان کے والد کا ردعمل غیر متوقع تھا کیونکہ انہوں نے اس بارے میں کچھ نہیں کہا اور مکمل خاموشی اختیار کرلی۔کنگنا کے مطابق جب انہوں نے اپنی والدہ سے فلم کے بارے میں رائے پوچھی تو والدہ نے تشویش کا اظہار کرتے ہوئے کہا کہ ان کی عمر ابھی بہت کم تھی اور فلم میں ان سے ایسے مناظر کروائے گئے۔ اداکارہ کا کہنا تھا کہ اس جواب نے انہیں مایوس کیا کیونکہ وہ سمجھتی تھیں کہ ان کی والدہ پوری فلم اور ان کی اداکاری کو دیکھیں گی، لیکن ان کی توجہ صرف انہی مناظر پر مرکوز رہی۔اداکارہ نے کہا کہ اس وقت ان کے والدین کو فلم کی کہانی یا ان کی فنی صلاحیتوں سے زیادہ اس بات کی فکر تھی کہ معاشرہ اور برادری کے لوگ اس بارے میں کیا رائے قائم کریں گے۔ ان کے بقول وہ ایک تعلیم یافتہ اور سرکاری افسران کے گھرانے سے تعلق رکھتی ہیں جہاں فلمی دنیا کو زیادہ عزت کی نگاہ سے نہیں دیکھا جاتا تھا۔کنگنا رناوت نے مزید بتایا کہ ان کے گھر میں فلمی شخصیات سے متعلق خبروں کو بھی پسند نہیں کیا جاتا تھا۔ انہوں نے یاد کرتے ہوئے کہا کہ اگر کبھی رنگین اخبار گھر آتا تو والدین فلمی ستاروں کی تصاویر والے صفحات الگ کر دیتے اور صرف باقی اخبار پڑھتے تھے۔اداکارہ کے مطابق 1990 اور 2000 کی ابتدائی دہائی میں فلم انڈسٹری کے بارے میں کئی منفی تصورات پائے جاتے تھے۔ اس دور میں انڈر ورلڈ سے مبینہ روابط اور دیگر تنازعات کی خبریں عام تھیں، جس کے باعث ان کے والدین بھی فلمی دنیا کے حوالے سے اچھا تاثر نہیں رکھتے تھے۔کنگنا نے بتایا کہ وقت کے ساتھ ساتھ ان کے والدین کی سوچ میں نمایاں تبدیلی آئی۔ ان کے مطابق جب انہیں حکومت کی جانب سے نیشنل ایوارڈ سے نوازا گیا تو ان کے والدین کو پہلی بار ان کے انتخاب پر فخر محسوس ہوا۔ بعد ازاں پدما شری جیسے بڑے سول اعزاز کے حصول نے ان کا نظریہ مکمل طور پر بدل دیا۔اداکارہ کا کہنا تھا کہ ان اعزازات کے بعد ان کے والدین کو احساس ہوا کہ فلمی دنیا میں رہتے ہوئے بھی عزت، وقار اور ملک کی خدمت کے اعتراف میں بڑے اعزازات حاصل کیے جا سکتے ہیں، اور یہی وہ مرحلہ تھا جب انہوں نے ان کے کیریئر کو دل سے قبول کیا۔

پاکستانی شوبز انڈسٹری کی معروف اداکارہ مومنہ اقبال کی شادی کی تقریبات کا باقاعدہ آغاز ’دعائے خیر‘ کی پروقار تقریب سے ہو گیا ہے، جس کی تصاویر اور ویڈیوز سوشل میڈیا پر تیزی سے وائرل ہورہی ہیں۔
خاندانی ذرائع کے مطابق ہفتے کے روز منعقد ہونے والی اس نجی تقریب میں صرف قریبی رشتے داروں اور خاص دوستوں کو مدعو کیا گیا تھا۔
اس موقع پر مومنہ اقبال نے سنہرے اور ہلکے گلابی (ٹی پنک) رنگ کا نہایت خوبصورت غرارہ زیب تن کیا جس پر دبکے کا نفیس کام کیا گیا تھا۔ دوسری جانب ان کے شوہر حمزہ حبیب بھی اہلیہ کے لباس کی مناسبت سے ہلکے گلابی رنگ کے شلوار قمیض کے ساتھ واسکٹ میں انتہائی وجیہہ دکھائی دیے۔ سوشل میڈیا پر اس تقریب کی تصاویر اور ویڈیوز تیزی سے وائرل ہو رہی ہیں۔ تصاویرمیں اس نوبیاہتا جوڑے کو اپنی نئی زندگی کے آغاز پر خوشگوار موڈ میں دیکھا جا سکتا ہے۔

بولی وڈ کے مشہور فلم ساز کرن جوہر نے سوشل میڈیا پر شاہ رخ خان، عالیہ بھٹ اورکرینہ کپور سمیت کئی قریبی دوستوں اور اداکاروں کو ان فالو کر دیا ہے۔ ان کے اس قدم نے مداحوں کو حیرت میں ڈال دیا تھا لیکن اب انہوں نے خود اس کی وجہ بتا دی ہے۔
کرن جوہر نے انسٹاگرام پر ایک اسٹوری شیئر کی اور اپنی حالیہ انسٹاگرام سرگرمی کے حوالے سے تمام افواہوں کو ختم کرتے ہوئے بتایا کہ وہ اس پلیٹ فارم پر خرچ ہونے والے اپنے وقت اور توانائی کو کم کرنے کی کوشش کر رہے ہیں۔
اسٹوری میں واضح کرتے ہوئے کرن نے لکھا کہ یہ ایک ڈیجیٹل ڈیٹوکس ہے۔ میں انسٹاگرام پر اپنا وقت اور توانائی کم کرنے کے لیے سب کو ان فالو کر رہا ہوں۔ خدا کے واسطے یہ کوئی قومی خبر نہیں ہو سکتی، براہ کرم خبروں کے لیے کسی اور چیز کا انتخاب کریں۔ یہ بالکل غیر اہم بات ہے۔
جمعرات کو انٹرنیٹ صارفین نے یہ بات محسوس کی کہ انسٹاگرام پر کرن جوہر کے فالوورز کی تعداد تو ایک کروڑ ستر لاکھ سے زیادہ ہے لیکن اب ان کی فالونگ لسٹ میں صرف 78 لوگ باقی رہ گئے ہیں۔
مداحوں نے فوراً اس بات پر غور کیا کہ فلم ساز نے کئی قریبی دوستوں اور بولی وڈ اداکاروں کو ان فالو کر دیا ہے جن میں شاہ رخ خان، عالیہ بھٹ، کرینہ کپور خان اور منیش ملہوترا شامل ہیں۔
اس کے علاوہ ورون دھون، سدھارتھ ملہوترا، ملائکہ اروڑا اور اننیا پانڈے بھی اب ان کی فالونگ لسٹ میں نظر نہیں آ رہے۔
کرن نے اداکار کارتک آریان کو بھی ان فالو کر دیا ہے، حالانکہ کارتک ان کی آنے والی فلم ’ناگ زیلا‘ میں مرکزی کردار ادا کرنے والے ہیں۔
صارفین نے بعد میں یہ بھی دیکھا کہ کرن جوہر اب انسٹاگرام پر کسی بھی بولی وڈ اداکار کو فالو نہیں کر رہے۔ ان کی فہرست میں اب جو بڑے نام شامل ہیں ان میں دھرما کے سی ای او اپوروا مہتا اور ان کے کاروباری شراکت دار ادار پونا والا شامل ہیں اور یہ دونوں ان کے کام سے گہرے جڑے ہوئے ہیں۔ اس کے علاوہ وہ معروف اداکارہ پریانکا چوپڑا کو فالو کر رہے ہیں۔
صارفین نے بعد میں یہ بھی دیکھا کہ کرن جوہر اب انسٹاگرام پر کسی بھی بولی وڈ اداکار کو فالو نہیں کر رہے۔ ان کی فہرست میں اب جو بڑے نام شامل ہیں ان میں دھرما کے سی ای او اپوروا مہتا اور ان کے کاروباری شراکت دار ادار پونا والا شامل ہیں اور یہ دونوں ان کے کام سے گہرے جڑے ہوئے ہیں۔ اس کے علاوہ وہ معروف اداکارہ پریانکا چوپڑا کو فالو کر رہے ہیں۔
کرن جوہر طویل عرصے سے سوشل میڈیا پر بولی ووڈ کی سب سے متحرک شخصیات میں سے ایک رہے ہیں جو اپنی پیشہ ورانہ اور ذاتی زندگی، خاص طور پر اپنے بچوں یش اور روہی کے بارے میں مداحوں کو آگاہ رکھتے ہیں۔
یہاں یہ بات بھی قابل ذکر ہے کہ سال 2022 میں بھی کرن نے ایکس چھوڑ دیا تھا اور اس کی وجہ بتاتے ہوئے کہا تھا کہ وہ صرف مثبت توانائیوں کے لیے جگہ بنا رہے ہیں اور یہ اس سمت میں ان کا پہلا قدم ہے۔
وہ آن لائن تنقید اور ٹرولنگ کے حوالے سے کئی بار کھل کر بات کر چکے ہیں اور اس سے پیدا ہونے والے ذہنی دباؤ کا بھی ذکر کرتے رہے ہیں۔
دوسری جانب اگر کرن جوہر کے کام کی بات کی جائے تو ان کی پروڈکشن میں بننے والی نئی فلم ’چاند میرا دل‘ حال ہی میں سینما گھروں کی زینت بنی ہے۔
لکشیا اور اننیا پانڈے کی اس فلم کو ملے جلے تبصرے ملے ہیں اور باکس آفس پر اس کی کارکردگی خاصی سست رہی ہے۔ اطلاعات کے مطابق اب تک یہ فلم بھارت میں بمشکل 20 کروڑ روپے ہی کما سکی ہے۔

پاکستان کی مقبول اداکارہ ہانیہ عامر نے ایک اور اہم سنگِ میل عبور کرلیا ہے۔ ہانیہ عامر کو معروف کاروباری اور عالمی جریدے فوربس کی ’’30 انڈر 30 ایشیا 2026‘‘ فہرست میں شامل کرلیا گیا ہے، جہاں انہیں انٹرٹینمنٹ اور اسپورٹس کیٹیگری میں نمایاں مقام حاصل ہوا ہے۔
فوربز کی جانب سے ہر سال جاری کی جانے والی یہ فہرست ایشیا بھر کے اُن نوجوان افراد کو خراجِ تحسین پیش کرتی ہے جن کی عمر 30 برس سے کم ہو اور جنہوں نے اپنے شعبوں میں نمایاں کامیابیاں حاصل کی ہوں۔ اس سال کی فہرست میں ہانیہ عامر کے ساتھ پاکستانی فلم ساز سمن کامران کا نام بھی شامل کیا گیا ہے۔
ہانیہ عامر گزشتہ ایک دہائی کے دوران پاکستانی ڈرامہ انڈسٹری کی صفِ اول کی اداکاراؤں میں اپنی جگہ بنا چکی ہیں۔ حال ہی میں وہ 2 کروڑ سے زائد فالوورز کے ساتھ انسٹاگرام پر پاکستان کی سب سے زیادہ فالو کی جانے والی خاتون شخصیت بن گئی ہیں، جو ان کی مقبولیت کا واضح ثبوت ہے۔
دوسری جانب فلم ساز سمن کامران کو بھی فوربس کی اس باوقار فہرست میں جگہ ملی ہے۔ ان کے کام کا محور عموماً سماجی اور ماحولیاتی مسائل ہوتے ہیں۔ ان کی مختصر فلم The Bed She Made پاکستان کی واحد فلم تھی جسے بوسن انٹرنیشنل شارٹ فلم فیسٹیول کے لیے منتخب کیا گیا، جہاں فلم میں پاکستان میں موسمیاتی تبدیلی اور تولیدی صحت سے متعلق مسائل کو اجاگر کیا گیا تھا۔ سمن اس سے قبل فلم ’’عمرو عیار: ایک نئی شروعات‘‘ میں اسسٹنٹ ڈائریکٹر کے طور پر بھی خدمات انجام دے چکی ہیں۔

اداکارہ مومنہ اقبال رشتہ ازدواج میں منسلک ہوگئیں۔رکن پنجاب اسمبلی ثاقب چدھڑ کے ساتھ تنازع کا شکار اداکارہ مومنہ اقبال شادی کے بندھن میں بندھ گئیں۔اداکارہ مومنہ اقبال نے حمزہ حبیبی سے نکاح کیا ہے جس کی تصدیق حمزہ حبیبی نے لاہور ہائیکورٹ کے باہر میڈیا سے گفتگو کے دوران کی۔میڈیا سے بات کرتے ہوئے حمزہ حبیبی نے کہا کہ میں مومنہ کا ہونے والا شوہر نہیں بلکہ شوہر ہو چکا ہوں، ہم نے دو روز قبل نکاح کرلیا ہے، مومنہ میری ریڈ لائن میری عزت ہے۔انہوں نے مسلم لیگ ن کے ایم پی اے ثاقب چدھڑ کا نام لیتے ہوئے کہا کہ یہ مومنہ کو ہراساں کر رہے تھے، اور یہ اس لیے دخل دے رہے تھے کیونکہ یہ نہیں چاہتے تھے کہ مومنہ کی کہیں بھی شادی ہو، ثاقب اور ان کی اہلیہ کا یہی طریقہ رہا ہے جہاں بھی مومنہ کا رشتہ ہونے والا ہوتا تھا وہاں یہ فون کرکے اس کی کردار کشی کرتے تھے اور مومنہ کا رشتہ ختم کروا دیتے تھے۔حمزہ کا کہنا تھا کہ میرے ساتھ بھی ایسا ہی ہوا، مجھے بھی فون کال کرکے اداکارہ کی کردار کشی کی گئی اور الزام لگائے گئے، جب ثاقب چدھڑ کو لگا کہ میں اس کی باتوں کو مسترد کروں گا اور کوئی رابطہ نہیں رکھوں گا تو میرے خلاف جھوٹی ایف آئی آر درج کروا دی گئی۔واضح رہے اداکارہ کے کیس کی پیروی ان کی بہن رمشا اقبال کر رہی ہیں جو کہ پیشے سے وکیل ہیں۔ رمشا نے میڈیا سے بات کرتے ہوئے بتایا تھا کہ اداکارہ مومنہ کا 1 جون کو نکاح ہونے والا ہے، یہ شادی خاندان کی رضا مندی سے طے ہوئی ہے اور مومنہ کے ہونے والے شوہر ہمارے رشتے دار نہیں ہیں