پشاور میںچائلڈ پروٹیکشن ایکٹ کے تحت مقدمہ درج کرلیا گیا، دو ماہ قبل کم عمرلڑکی سے مبینہ زیادتی کا مقدمہ تھانہ چمکنی میں درج ہواتھا،ایف آئی آرمیں چائلڈ پروٹیکشن ایکٹ، جنسی زیادتی اور دیگر دفعات شامل کرلی گئی ہیں متاثرہ لڑکی کے پولیس کو دیئے گئے بیان کے مطابق مجھے ماموں زاد اپنے دوست کے ساتھ گاڑی میں بونیرسے پشاور لایا ،راستے میں گاڑی میں مجھے زیادتی کا نشانہ بنایا گیا ملزمان خود بھی آئس پیتے رہے اور مجھے بھی پلائی ،واپسی پرپشاورٹول پلازہ کے قریب ایکسائز پولیس نے گاڑی کو روکا ،پولیس کے مطابق تلاشی کے دوران ملزمان کو گرفتارکرکے گاڑی قبضے میں لے لی گئی ملزمان کو جیل بھیج دیا گیا ، لڑکی کی میڈیکل رپورٹ کا انتظار ہے،میڈیکل رپورٹ آنے پرمزید کارروائی کی جائے گی ، چائلڈ پروٹیکشن قوانین کے تحت لڑکی کے حقوق کا ہرصورت تحفظ یقینی بنایا جائے گا۔

وزیر خارجہ اسحاق ڈار نے مشرق وسطیٰ کی صورت حال سے متعلق غیر ضروری قیاس آرائیوں کی تردید کی ہے۔سماجی رابطوں کے پلیٹ فارم ایکس (سابقہ ٹوئٹر) پر جاری اپنے بیان میں نائب وزیر اعظم و وزیر خارجہ اسحاق ڈار نے مشرق وسطیٰ میں جاری تنازع کے خاتمے کے لیے مذاکرات سے متعلق میڈیا میں موجود غیر ضروری قیاس آرائیوں کی تردید کرتے ہوئے تصدیق کی ہے کہ امریکا اور ایران کے درمیان بالواسطہ بات چیت جاری ہے۔انہوں نے کہا کہ پاکستان اس اہم عمل میں ایک ثالث کا کردار ادا کر رہا ہے، جہاں فریقین کے مابین پیغامات پہنچائے جا رہے ہیں اور اس تناظر میں امریکا نے 15 نکات پیش کیے ہیں جن پر ایران غور کر رہا ہے۔وزیر خارجہ نے کہا کہ اس امن اقدام کو عملی جامہ پہنانے کے لیے برادر اسلامی ممالک ترکیہ اور مصر سمیت دیگر ریاستیں بھی بھرپور تعاون فراہم کر رہی ہیں تاکہ خطے میں جاری کشیدگی کو جلد از جلد ختم کیا جا سکے۔اپنے پیغام میں انہوں نے مزید کہا کہ پاکستان خطے اور اس سے باہر امن و استحکام کو فروغ دینے کے لیے اپنے عزم پر سختی سے کاربند ہے اور اس مقصد کے حصول کے لیے ہر ممکن سفارتی کوششیں جاری رکھنے کے لیے پرعزم بھی ہے۔اسحاق ڈار کا کہنا تھا کہ موجودہ پیچیدہ حالات میں مذاکرات اور سفارت کاری ہی واحد راستہ ہے جس کے ذریعے خطے میں پائیدار امن کو یقینی بنایا جا سکتا ہے اور جاری تنازعات کو حل کیا جا سکتا ہے۔