مظفرآباد میں منعقدہ عوامی اجتماع سے خطاب کرتے ہوئے وزیر اعلیٰ خیبرپختونخوا محمد سہیل آفریدی نے کشمیری عوام کے جذبے کو خراج تحسین پیش کیا اور کہا کہ کشمیری عوام نے عمران خان کی آواز پر لبیک کہہ کر مثالی جوش و جذبے کا مظاہرہ کیا ہے۔انہوں نے کہا کہ “رجیم چینج آپریشن” کے بعد کشمیر میں مسلط شدہ ٹولے کا رویہ کشمیری روایات کے منافی ہے، تاہم یہ عناصر اپنے اوچھے ہتھکنڈوں سے کامیاب نہیں ہو سکتے۔ ان کا کہنا تھا کہ کشمیریوں اور قبائلیوں کے درمیان دل کا مضبوط رشتہ ہے جو کبھی نہیں ٹوٹ سکتا۔وزیر اعلیٰ نے الزام عائد کیا کہ پاکستان اور کشمیر پر ایسے لوگ مسلط ہیں جو عوامی مینڈیٹ سے نہیں آئے بلکہ “ووٹ پر ڈاکہ ڈال کر” اقتدار میں آئے ہیں۔ انہوں نے کہا کہ آئندہ انتخابات میں عوام کو اپنے حقِ رائے دہی کی حفاظت کرنا ہوگی۔سہیل آفریدی نے عمران خان کا ذکر کرتے ہوئے کہا کہ انہوں نے عالمی سطح پر کشمیر اور فلسطین کا مقدمہ جرات کے ساتھ اٹھایا۔ ان کے مطابق عمران خان اور ان کی اہلیہ ناحق قید میں ہیں اور تمام تر آئینی و قانونی راستوں کے باوجود انہیں ملاقات کی اجازت نہیں دی جا رہی۔انہوں نے عدالتی فیصلوں پر عملدرآمد نہ ہونے پر بھی تنقید کی اور کہا کہ عدالتی احکامات کو نظر انداز کیا جا رہا ہے۔ وزیر اعلیٰ نے کہا کہ وہ تمام جمہوری و آئینی راستے اختیار کر رہے ہیں لیکن شنوائی نہیں ہو رہی۔انہوں نے اعلان کیا کہ بہت جلد بڑے پیمانے پر احتجاج کی کال دی جائے گی اور “پورا پاکستان سڑکوں پر نکلے گا”۔ ان کے مطابق اگر ضرورت پڑی تو ہر چوک کو ڈی چوک بنایا جائے گا مگر اپنے حق سے دستبردار نہیں ہوں گے۔اجتماع سے پی ٹی آئی رہنماؤں سردار عبدالقیوم نیازی، سلمان اکرم راجہ اور دیگر نے بھی خطاب کیا اور “حقیقی آزادی” اور عمران خان کی رہائی کے لیے جدوجہد جاری رکھنے کے عزم کا اظہار کیا۔

لاہور میں اپنے 3 بچوں کے قتل کے الزام میں گرفتار ملزمہ کو 5 روزہ ریمانڈ پر پولیس کے حوالے کردیا گیا۔
لاہورکے علاقے اچھرہ میں ماں نے تین معصوم بچوں کا بے دردی سے قتل کیا اور پھر الزام اپنے سسرالیوں پر لگانے کی کوشش کی، تاہم سفاک ماں کا ڈرامہ تفتیش کے دوران بے نقاب ہوگیا۔ ویڈیو میں دیکھا گیا کہ ملزمہ کتنی پُر اعتماد ہے، جائے واردات پر کہتی ہے بلڈ پریشر کم ہو گیاہے، رات بھی کم ہوا تھا، ڈرپ لگوائی تھی، بچے زندہ تھے، گھر کو تالہ لگا کر باہر گئے، اندر کوئی نہیں آیا، بچے قتل کیسے ہو ئے، نہیں معلوم۔ ویڈیو میں دیکھا گیا کہ ملزمہ کتنی پُر اعتماد ہے، جائے واردات پر کہتی ہے بلڈ پریشر کم ہو گیاہے، رات بھی کم ہوا تھا، ڈرپ لگوائی تھی، بچے زندہ تھے، گھر کو تالہ لگا کر باہر گئے، اندر کوئی نہیں آیا، بچے قتل کیسے ہو ئے، نہیں معلوم۔

پولیس حکام کے مطابق سی ڈی آر سے بھی حقائق سامنے آ گئے، ملزمہ 5 دن کے جسمانی ریمانڈ پر پولیس کی تحویل میں ہے اور تفتیش جاری ہے۔
تفتیشی ذرائع نے کہا کہ ردا نے دوران تفتیش اپنے شوہر پر بھی الزامات لگا دئیے، میرا خاوندمجھے غیر مردوں سے فون پر بات کرنے کو کہتا تھا، رمضان مجھے غیر مردوں سے فون پر پیسے مانگنے کو بھی کہتا۔
ملزمہ ردا نے تفتیش میں الزام لگایا کہ شہر یار سے رابطے کا بھی میرے شوہر کو علم تھا، اپنے خاوند کے کہنے پر ایک پیر سے بھی رابطہ کیا تھا، شوہر کا رویہ پسند نہیں تھا اسی لیے اس کے ساتھ رہنا نہیں چاہتی تھی، بچوں کو میرے میکے والے بھی رکھنے کے لیے تیار نہیں تھے، خاوند سے طلاق لینے کے بعد بچوں کو کوئی سنبھالنے والا نہیں تھا۔
ترجمان پولیس نے کہا کہ ملزمہ ردا سے تفتیش کا سلسلہ جاری ہے، مزید تفتیش کے بعد ہی کیس بارے مزید حقائق سامنے آئیں گے۔
بعد ازاں تحریری حکم نامے میں کہا گیا کہ عدالت ملزمہ کا پانچ روزہ جسمانی ریمانڈ تفتیش کے لیے منظور کرتی ہے، تفتیشی افسر خاتون ملزمہ سے خواتین پولیس اسٹیشن میں خاتون افسر کی موجودگی میں تفتیش کرے، تفتیشی افسر قانون میں موجود لیگل فارمیلٹیز پوری کرے۔ 29 اپریل کو ملزمہ سے ہونے والی تفتیش کی رپورٹ عدالت پیش کی جائے۔

وزیر اطلاعات پنجاب عظمیٰ بخاری نے کہا ہے کہ پنجاب حکومت نے ’’اپنی چھت اپنا گھر‘‘ اور بے گھر افراد کو مفت پلاٹس دینے کے بعد اب بے روزگار افراد کے لیے ’’اپنا کھیت اپنا روزگار‘‘ اسکیم شروع کر دی ہے، جس کا باقاعدہ آغاز کر دیا گیا ہے۔عظمیٰ بخاری کے مطابق وزیراعلیٰ مریم نواز کا یہ فلیگ شپ پروگرام پنجاب میں زرعی انقلاب لائے گا اور اس سے ہزاروں افراد مستفید ہوں گے۔ انہوں نے کہا کہ اسکیم کے تحت پنجاب حکومت زمین کے ساتھ 50 ہزار سے ڈھائی لاکھ روپے تک گرانٹ بھی فراہم کرے گی۔انہوں نے بتایا کہ پنجاب میں بے زمین دیہاتیوں کو 160 ارب روپے مالیت کی اراضی دی جا رہی ہے، جو صرف کاشتکاری کے لیے استعمال ہوگی۔عظمیٰ بخاری نے کہا کہ مریم نواز دعوے نہیں بلکہ عملی کام کرتی ہیں، کسانوں کو کسان کارڈ، گرین ٹریکٹر، سپر سیڈر اور ٹیوب ویل سولرائزیشن جیسی سہولتیں دی گئی ہیں، جس کے باعث پنجاب میں گندم کی ریکارڈ پیداوار ہوئی۔وزیر اطلاعات نے مزید کہا کہ مریم نواز کسان دوست اور زراعت دوست وزیراعلیٰ ہیں اور زراعت کا شعبہ ان کی اولین ترجیح ہے

حکومت کی جانب سے آئندہ مالی سال 27-2026ء کے بجٹ میں جی ڈی پی کا ہدف 5.1 فیصد جبکہ ٹیکس وصولیوں کا ہدف ساڑھے 15 ہزار ارب روپے سے زائد مقرر کیے جانے کا امکان ہے، دوسری جانب آئی ایم ایف، عالمی بینک اور ایشیائی ترقیاتی بینک نے شرح نموہدف سے کم رہنے کی پیشگوئی کی ہے۔وزارت خزانہ کے ذرائع کا کہنا ہے کہ آئندہ مالی سال کے وفاقی بجٹ کے لیے مختلف اسٹیک ہولڈرز کی طرف سے موصول ہوئی بجٹ تجاویز کا جائزہ لیا جارہا ہے اور قابل عمل تجاویز کو بجٹ میں شامل کرنے کے لیے حتمی شکل دی جارہی ہے۔ذرائع کا کہنا ہے کہ آئندہ مالی سال کا وفاقی بجٹ آئی ایم ایف پروگرام میں طے شدہ بینچ مارکس اور شرائط کے مطابق تیار کیا جارہا ہے اور آئی ایم ایف کا جائزہ مشن اگلے ماہ پاکستان آئے گا جس میں بجٹ تجاویز پر تفصیلی مشاورت کے بعد انہیں حتمی شکل دی جائے گی۔وقع ہے کہ جون کے پہلے عشرے اگلے مالی سال کا بجٹ پارلیمنٹ میں پیش کیا جائے گا ذرائع کا کہنا ہے کہ اگلے مالی سال معاشی شرح نمو کا ہدف 5.1 فیصد رکھنے کی تجویز ہے جو کہ رواں مالی سال 4.2 فیصد مقرر ہے۔اسی طرح اگلے مالی سال ٹیکس ہدف ساڑھے 15 ہزار ارب روپے سے زائد رکھنے کی تجویز ہے جو کہ رواں مالی سال کے لیے 14 ہزار 131 ارب روپے مقرر ہے اور ہدف پر نظرثانی کے باوجود ایف بی آر کو 9 ماہ میں 610 ارب روپے خسارہ ہوا اس سال جون تک انکم ٹیکس ریٹرن میں مزید 10 لاکھ اضافے کا ہدف ہے اگلے سال مارچ تک گوشواروں میں مزید ساڑھے 7 لاکھ اضافہ کیا جائے گا۔