ٹک ٹاکر ثناء یوسف قتل کیس میں ٹرائل کورٹ پر عدم اعتماد کے معاملے پر اسلام آباد ہائی کورٹ نے ملزم عمر حیات کی درخواست پر فیصلہ محفوظ کرلیا۔ چیف جسٹس سرفراز ڈوگر نے عمر حیات کی درخواست پر سماعت کی، درخواست گزار وکیل اور سٹیٹ کونسل عدالت پیش ہوئے جب کہ مدعی مقدمہ کی جانب سے سردار محمد قدیر ایڈووکیٹ بھی عدالت پیش ہوئے۔عدالتی استفسار پر وکیل نے بتایا کہ رپورٹ فائل کردی گئی ہے جس پر چیف جسٹس نے پوچھا کہ رپورٹ کیا کہتی ہے، ماڈل کورٹ کے پاس کیس ہے، وہ تو جلدی ہی کرے گی۔ملزم کے وکیل کا کہنا تھا کہ کورٹ کا ہمارے ساتھ کنڈکٹ ٹھیک نہیں، ہم نے کبھی التواء نہیں مانگا، سرکاری وکیل نامزد کرکے فوری جرح کرلی جاتی ہے جب کہ ٹرائل کورٹ کا کنڈکٹ درست نہیں کچھ ایسے الفاظ بھی استعمال کیے جو اوپن عدالت میں کونسل کے بارے میں نہیں کہے جاسکتے۔ملزم کے وکیل نے استدعا کی کہ پہلے سے جرح کو ختم کرکے ہمیں دوبارہ جرح کرنے کا حق دیا جائے، ہمیں ٹرائل کورٹ پر اعتماد نہیں کسی بھی دوسری کورٹ میں منتقل کردیا جائے۔وکیل مدعی مقدمہ سردار محمد قدیر نے کہا کہ 10 ماہ ہوگئے ہیں، لیکن 6 ماہ میں انہوں نے صرف دو گواہان پر جرح کی، جسٹس خادم حسین سومرو کی عدالت نے تفصیلی فیصلہ بھی دیا تھا،آج دن تک جرح نہیں ہوئی۔ وکیل مدعی کا کہنا تھا کہ ٹرائل کورٹ ماڈل کورٹ ہے اور اس نے انہیں بہت سہولت دی، چیف جسٹس نے ملزم کے وکیل سے کہا کہ آپ کا رویہ جو ٹرائل کورٹ کے ساتھ ہے ایسے ٹرائل کورٹ آپ کے ساتھ کیسے چلے گی، جرح کیلئے آپ 10 گھنٹے لیں گے اور نہیں کریں گے کہ ہمیں وقت دیا جائے تو کیا ہوگا۔عدالت نے وکیل ملزم سے استفسار کیا کہ آپ کیوں اسلام آباد ہائی کورٹ آئے ہوئے ہیں، جس پر وکیل نے بتایا کہ ہم ٹرائل کورٹ کے رویہ اور ہماری عدم موجودگی میں کاروائی بڑھانے کے خلاف آئے ہیں، ہم نے ٹرائل کورٹ کو بھی درخواست دی تھی جومسترد کردی گئی۔لزم کے وکیل نے کہا کہ ٹرائل کورٹ نے موقع پر اسٹیٹ کونسل مقرر کرکے کہا ایک گھنٹہ میں جرح کریں، وکیل صاحب بیمار تھے ایک موقع توملنا چاہیے تھے۔جس پر وکیل مدعی نے کہا کہ انہیں بہت سے مواقع ملے، لیکن کئی مرتبہ التواء مانگا گیا، جج صاحب پر بھی اعتراض کیا گیا۔عدالت نے وکیل ملزم سے مکالمہ کیا کہ آپ ادھر آجاتے ہیں اور ادھر جاتے نہیں، آپ ادھر آئیں تو ادھر عدالت کو بتا کر آنا چاہیے، کونسل کا کنڈکٹ نظر نہیں آ رہا، کورٹ کا دوسری پارٹی سے بھی رابطہ اور تعلق بھی نہیں ہے۔ چیف جسٹس نے مزید کہا کہ وہ ماڈل کورٹ ہے اور سپریم کورٹ کا فیصلہ بھی ہے۔ بعد ازاں، وکلاء کے دلائل سننے کے بعد عدالت نے فیصلہ محفوظ کرلیا۔

گزشتہ کئی روز سے دونوں اداکاروں کی شادی کی افواہ سوشل میڈیا پر زیرِ گردش تھی جب کہ دو سے تین معروف شخصیات نے شادی کی تصدیق کی تھی۔
حال ہی میں رمشا اور خوشال کے نکاح کی تصویر سوشل میڈیا پر سامنے آئی جس کے بعد مداحوں میں بے چینی اور بڑھ گئی۔
اب اداکارہ رمشا خان نے انسٹاگرام پر اسٹوری شیئر کی ہے جس میں انہوں نے ان خبروں کی تصدیق کرتے ہوئے تصویر وائرل کرنے والوں پر برہمی کا بھی اظہار کیا۔
داکارہ نے لکھا ‘ہماری تصاویر ہماری مرضی کے بغیر لیک کی گئیں اور انہیں شیئر کیا جارہا ہے، یہ اخلاقیات کے خلاف بات ہے، جو پیجز یہ تصویر شیئر کررہے ہیں وہ ایسا کرنا بند کریں کیونکہ یہ آپ کے لیے کوئی کانٹینٹ نہیں ہے’۔
رمشا خان نے لکھا ‘میں نے ہمیشہ اپنی ذاتی زندگی کو اپنے تک محدود رکھا ہے اور میں اب بھی یہ ہی کروں گی’۔اداکارہ نے شادی کی تصدیق کرتے ہوئے کہا ‘چونکہ میں زندگی کے اس نئے سفر میں داخل ہورہی ہوں تو میں یہ امید کرتی ہوں کہ ہماری شیئر کردہ تمام تصاویر ڈیلیٹ کردی جائیں اور دوبارہ کہیں پوسٹ نہ کی جائیں’۔انہوں نے مزید کہا ‘یہ ہماری زندگی ہے، آپ کی ہیڈلائنز نہیں، اس کی عزت کریں اور ہمیں تنہا چھوڑ دیں’۔
رمشا نے مزید کہا کہ ‘باقی وقت آنے پر سب کو بتادیا جائے گا’

بھارتی میڈیا کے مطابق 92 سالہ لیجنڈ گلوکارہ کو ہفتے کے روز طبیعت ناساز ہونے پر ممبئی کے بریچ کینڈی اسپتال میں داخل کرایا گیا تھا۔
بھارتی میڈیا کا بتانا ہے کہ آشا بھوسلے کو سینے میں انفیکشن کے سبب اسپتال میں داخل کرایا گیا تھا، آشا بھوسلےکا انتقال متعدد اعضا کےکام چھوڑ جانےکے سبب ہوا۔
لیجنڈ گلوکارہ کے بیٹے آنند بھوسلے کا کہنا ہے کہ آشا بھوسلےکی آخری رسومات کل شام کواداکی جائیں گی۔
ان کے اسپتال میں داخل ہونے کی خبر پوتی زنائی بھوسلے نے سماجی رابطے کی ویب سائٹ ایکس پر شیئر کی تھی۔
انہوں نے اپنی پوسٹ میں لکھا تھا کہ ‘میری دادی، آشا بھوسلے کو انتہائی تھکن اور سینے میں انفیکشن کی وجہ سے اسپتال میں داخل کرایا گیا ہے۔
اس کے ساتھ ہی زنائی نے خاندان کی پرائیویسی(رازداری)کا احترام کرنے کی بھی درخواست کی اور تھی کہا تھا کہ ‘لیجنڈ گلوکارہ کا علاج جاری ہے اور امید ہے کہ سب کچھ ٹھیک ہو جائے گا اور ہم اس حوالے سے آپ کو اپ ڈیٹ کریں گے۔’
آشا بھوسلے نے بالی وڈ میں درجنوں ہٹ گانے گائے ہیں جبکہ گلوکارہ کو 2000 میں دادا صاحب پھالکے ایوارڈ اور 2008 میں پدم وبھوشن جو بھارت کا دوسرا سب سے بڑا شہری ایوارڈ ہے سے بھی نوازا جاچکا ہے۔

نامور پاکستانی اداکارہ حنا آفریدی نے میک اپ نہ کرنے کی وجہ بتادی۔ حنا آفریدی ایک ابھرتی ہوئی پاکستانی ماڈل اور ٹیلی ویژن اداکارہ ہیں جو اپنی شاندار اداکاری اور دلکش اسکرین موجودگی کی وجہ سے جانی جاتی ہیں۔ان کے نمایاں ڈراموں میں ’پہلی سی محبت‘، ’راجا رانی‘، ’کچا دھاگا‘، شامل ہیں اور اس وقت ناظرین ’غلام بادشاہ سندری‘ اور ’مرزا کی ہیر‘ میں ان کی اداکاری کو خوب سراہ رہے ہیں، جہاں وہ جذباتی اور مؤثر کردار ادا کر رہی ہیں۔حنا آفریدی اپنی قدرتی طور پر صاف و شفاف جلد کی وجہ سے اسکرین پر کم سے کم میک اپ کرنے کے لیے بھی مشہور ہیں۔حال ہی میں وہ اپنے ڈرامہ سیریل ’مرزا کی ہیر‘ کی تشہیر کے سلسلے میں نجی ٹی وی کے مارننگ شو میں شریک ہوئیں جہاں انہوں نے بتایا کہ وہ کم یا بغیر میک اپ کے رہنا کیوں پسند کرتی ہیں۔حنا آفریدی کا کہنا تھا کہ میرا کردار ’ہیر‘ صرف ٹنٹ یا مسکارا استعمال کرتا ہے ، حالانکہ میں نے اپنی جلد پر میک اپ استعمال کرنے کی کوشش کی لیکن وہ اچھا نہیں لگا۔انہوں نے بتایا کہکچھ لوگ ایسے ہوتے ہیں جن پر میک اپ برا لگتا ہے اور میں بھی انہی میں سے ایک ہوں۔اداکارہ نے انکشاف کیا کہ میری والدہ نے بھی مجھے کبھی میک اپ کرنے نہیں دیا، میں نے کیمرے کے لیے میک اپ آزمایا، مگر یہ مجھ پر سوٹ نہیں کیا لہذا میں صرف ٹنٹ، لائنر اور مسکارا استعمال کرتی ہوں۔ان کا کہنا تھا کہ میں شاذ و نادر ہی فیشل کرواتی ہوں اور کنسیلر بھی استعمال نہیں کرتی، آج کل ہیوی میک اپ کا رجحان بھی نہیں رہا؛ لڑکیاں ہلکے میک اپ میں زیادہ خوبصورت لگتی ہیں۔انہوں نے مزید کہا کہ مجھے خاص طور پر اپنی پلکوں کو کرل کرنا پسند ہے، جو مجھ پر اچھا لگتا ہے، اور یہ میں نے اپنے بھائی شعیب سے سیکھا ہے۔