ہالی ووڈ کی معروف اداکارہ این ہیتھ وے ایک دلچسپ لمحے کے باعث سوشل میڈیا پر توجہ کا مرکز بن گئی ہیں، جہاں انہوں نے گفتگو کے دوران ’انشا اللہ‘ کا لفظ استعمال کیا اور یہی جملہ دیکھتے ہی دیکھتے وائرل ہوگیا۔
عالمی شہرت یافتہ اداکارہ، جنہوں نے اپنے کیریئر میں کئی بڑی فلموں میں مرکزی کردار ادا کیے، پہلی بار ’دی پرنسز ڈائری‘ کے ذریعے شہرت کی بلندیوں تک پہنچیں۔ اس کے بعد وہ متعدد
کامیاب اور ایوارڈ یافتہ فلموں کا حصہ رہیں اور آج بھی فلمی دنیا میں متحرک ہیں۔
حال ہی میں ایک انٹرویو کے دوران، جو انہوں نے ’پیپل میگزین‘ کو دیا، این ہیتھ وے بڑھتی عمر اور زندگی کے مختلف پہلوؤں پر گفتگو کر رہی تھیں۔ اسی دوران انہوں نے بے ساختہ کہا کہ وہ ’انشا اللہ‘ ایک لمبی اور صحت مند زندگی گزارنا چاہتی ہیں۔ ان کا کہنا تھا کہ انسان یا تو بڑھاپے سے خوفزدہ رہتا ہے یا کم عمری میں زندگی ختم ہونے کے خیال سے، اس لیے بہتر ہے کہ زندگی کو مثبت انداز میں قبول کیا جائے۔ اداکارہ کا یہ سادہ مگر اثر انگیز جملہ مداحوں کے دلوں کو چھو گیا اور ویڈیو تیزی سے وائرل ہوگئی۔ سوشل میڈیا صارفین نے نہ صرف ان کے انداز کو سراہا بلکہ کئی لوگوں نے اسے خوبصورت اور با معنی اظہار قرار دیا۔ کچھ مداحوں نے مزاحیہ انداز میں انہیں ’بہن این‘ کا لقب دے دیا، جبکہ دیگر کا کہنا تھا کہ وہ اس لفظ کی اہمیت اور خوبصورتی کو بخوبی سمجھتی ہیں۔ اس طرح ایک عام سی گفتگو کا ایک لمحہ عالمی سطح پر توجہ حاصل کرنے میں کامیاب ہوگیا۔ یاد رہے کہ این ہیتھ وے کو ’پیپل میگزین‘ نے 2026 کی سب سے خوبصورت اداکارہ قرار دیا ہے۔

فلموں اور ٹیلی ویژن کی امریکی اداکارہ این ہیتھوے کو پیپل میگزین نے 2026 کی دنیا کی سب سے خوبصورت اسٹار قرار دیا ہے جو ان کے طویل ہالی ووڈ کیریئر میں ایک اور اہم سنگِ میل ہے۔
اداکارہ نے اپنے یادگار کرداروں، معروف ساتھی اداکاروں کے ساتھ کام کرنے کے تجربات اور فلمی صنعت میں سراپے پر مبنی تاثر اور اداکاری کے بدلتے ہوئے معیار پر بھی کھل کر بات کی۔
اپنی 2006 کی فلم دی ڈیول ویئرز پرادا کے بارے میں گفتگو کرتے ہوئے 44 سالہ امریکی اداکارہ کا کہنا تھا کہ بہت زیادہ دباؤ کے باوجود یہ فلم آج بھی ان کے لیے سب سے یادگار تجربات میں سے ایک ہے۔
انہوں نے اس موقع پر اپنے ساتھی اداکاروں کا بھی نہایت پرجوش انداز میں تذکرہ کیا اور کہا ایملی بلنٹ شاندار انسان ہیں، اسٹینلے بے حد مزاحیہ اور حاضر جواب جبکہ میرل اسٹریپ کے بارے میں، یہ نہیں کہتی کہ میں ان کی کتنی عزت کرتی ہوں، مگر وہ حقیقتا قابل احترام ہیں وہ ایسی شخصیت ہیں جن کی میں دل سے تعریف کرتی ہوں۔
گزشتہ سالوں کے دوران این کو کئی بڑے اعزازات سے نوازا گیا ہے، جن میں اکیڈمی ایوارڈ، بافٹا، گولڈن گلوب اور پرائم ٹائم ایمی ایوارڈ شامل ہیں۔

حال ہی میں وہ ارشاد بھٹی کے پوڈکاسٹ میں شریک ہوئیں، جہاں ان سے متنازع اور ذاتی نوعیت کے سوالات کیے گئے۔ان سوالات میں ان کی ماضی کی ذاتی زندگی اور مختلف افواہوں کا ذکر شامل تھا جن کا جواب دینے میں میرا کو مشکل پیش آئی۔انہوں نے بار بار گفتگو کو اپنی فلم کی طرف موڑنے کی کوشش کی مگر میزبان نے مسلسل حساس موضوعات کو چھیڑے رکھا۔صورتحال اس وقت مزید خراب ہوئی جب میزبان نے انہیں طنزیہ انداز میں ’سائیکو‘ کہا اور ماضی کے تنازعات بھی اٹھائے۔بالآخر میرا نے خاموشی اختیار کرتے ہوئے انٹرویو چھوڑ دیا۔اداکارہ مشی خان نے بھی اس رویے پر تنقید کرتے ہوئے کہا کہ سینئر صحافی کو اس طرح کے سوالات سے گریز کرنا چاہیے تھا۔سوشل میڈیا صارفین نے بھی اس انٹرویو کو سخت تنقید کا نشانہ بنایا

بھارتی میڈیا رپورٹس کے مطابق پلے بیک سنگر جوبین نوٹیال نے شادی کر لی ہے، مگر ایک ایسے انداز میں جس کی بہت سے لوگوں کو توقع نہیں تھی۔ گلوکار جوبن نوٹیال نے اپنی بچپن کی دوست سے شادی کر لی ہے، تاہم ان کی اہلیہ کے بارے میں تفصیلات ابھی تک سامنے نہیں آ سکیں۔
یاد رہے کہ جوبین نوٹیال جو اپنے رومانوی گانوں کے لیے جانے جاتے ہیں۔
رپورٹ کے مطابق گلوکار نے اپنے آبائی شہر اتراکھنڈ میں سادگی سے شادی کی، یہ تقریب چھوٹی رکھی گئی اور عوامی نظروں سے دور رکھی گئی، جس میں صرف قریبی رشتہ دار اور چند دوست شریک ہوئے۔
رپورٹ کے مطابق 36 سالہ گلوکار نے اپنی بچپن کی دوست سے شادی کی، تاہم ان کی اہلیہ کی شناخت ابھی تک ظاہر نہیں کی گئی۔
خود جوبین نوٹیال نے اس خبر کی تصدیق نہیں کی، جس سے مداحوں میں مزید تجسس پیدا ہو گیا ہے۔
شادی سے منسوب تصاویر سوشل میڈیا پر گردش کر رہی ہیں، جن میں جوبین نوٹیال کو پیچ رنگ کے کرتا اور ایمرلڈ ہار میں دیکھا جا سکتا ہے، جب کہ ان کی دلہن سادہ اور ہم رنگ لباس میں نظر آ رہی ہیں۔
واضح رہے کہ گلوکار نے 2011 میں ’ایکس فیکٹر انڈیا‘ میں شرکت کے بعد اپنے کیریئر کا آغاز کیا اور اب وہ بالی ووڈ کی معروف آوازوں میں شمار ہوتے ہیں۔