پاکستانی سوشل میڈیا اسٹار رجب بٹ ایک بار پھر خبروں کی زینت بن گئے، مگر اس بار معاملہ ان کی نجی زندگی سے جڑا نیا تنازع بن کر سامنے آیا ہے۔
معروف انفلوئنسر لاریب ملک نے دعویٰ کیا ہے کہ رجب بٹ نے انہیں انسٹاگرام پر ذاتی پیغام بھیجا، جس کے بعد انہوں نے نہ صرف فوری طور پر انہیں بلاک کیا بلکہ مبینہ اسکرین شاٹس بھی سوشل میڈیا پر شیئر کر دیے۔
وائرل ہونے والی اطلاعات کے مطابق رجب بٹ نے لاریب ملک کو خود کو ’بڑا مداح‘ ظاہر کرتے ہوئے رابطہ کیا، تاہم لاریب نے اس پیش رفت کو نظر انداز کرنے کے بجائے عوامی سطح پر سامنے لانے کا فیصلہ کیا۔ انہوں نے اپنی پوسٹ میں واضح کیا کہ انہوں نے ’کوئین بیہیویئر‘ اپناتے ہوئے فوراً بلاک کردیا۔ اس انکشاف کے بعد سوشل میڈیا صارفین کی بڑی تعداد نے لاریب کے مؤقف کو سراہا جبکہ رجب بٹ کو شدید تنقید کا سامنا کرنا پڑ رہا ہے۔
یہ تنازع ایسے وقت میں سامنے آیا ہے جب رجب بٹ پہلے ہی اپنی اہلیہ ایمان فاطمہ سے علیحدگی اور طلاق سے متعلق خبروں کے باعث شدید عوامی بحث کا حصہ بنے ہوئے ہیں۔ ان کی ازدواجی زندگی کے گرد گردش کرنے والی افواہوں نے پہلے ہی ان کے مداحوں کو تقسیم کر رکھا تھا، اور اب یہ نیا واقعہ ان کی سوشل میڈیا ساکھ پر مزید سوالات اٹھا رہا ہے۔
رجب بٹ کا نام گزشتہ چند برسوں میں کئی تنازعات سے جڑ چکا ہے۔ شاہانہ طرزِ زندگی کی نمائش، شادی کی تقریبات میں غیر معمولی اخراجات، غیر قانونی شیر کے بچے رکھنے کا مقدمہ، متنازع پرفیوم لانچ، مذہبی حساسیت سے جڑے مقدمات، اور متعدد آن لائن اسکینڈلز انہیں بارہا خبروں میں لا چکے ہیں۔ ناقدین کے مطابق ان کے گرد تنازعات کا یہ تسلسل ان کی عوامی شخصیت کا مستقل حصہ بنتا جا رہا ہے۔
تازہ واقعے کے بعد سوشل میڈیا پر ایک بار پھر رجب بٹ کے رویے، نجی تعلقات اور عوامی امیج پر بحث چھڑ گئی ہے۔ اگرچہ رجب بٹ کی جانب سے اس معاملے پر فوری باضابطہ ردعمل سامنے نہیں آیا، تاہم یہ واقعہ ان کے لیے ایک اور نیا بحران بنتا دکھائی دے رہا ہے۔

بھارتی پنجاب کے معروف اور مقتول گلوکار سدھو موسے والا ایک بار پھر اپنے مداحوں کے دلوں میں زندہ ہوگئے، جب ان کے نئے گانے ’’آئیز آن می‘‘ کا ٹیزر جاری ہوتے ہی سوشل میڈیا پر طوفان برپا کرگیا۔طویل عرصے سے اس گانے کا انتظار کیا جا رہا تھا، اور جیسے ہی اسے ریلیز کیا گیا، مداحوں نے اسے ہاتھوں ہاتھ لے لیا۔ رپورٹس کے مطابق صرف دو منٹ کے اندر اس ٹیزر نے یوٹیوب پر ایک لاکھ بیس ہزار ویوز حاصل کرلیے، جبکہ انسٹاگرام پر بھی اسے ہزاروں لائیکس ملے۔ اور تین دن میں اس ویڈیوز کو اکتیس لاکھ سے زیادہ بار دیکھا جاچکا ہے۔ محض 34 سیکنڈ کے اس ٹیزر میں ایکشن اور سنسنی سے بھرپور مناظر دکھائے گئے ہیں، جس نے شائقین کی دلچسپی کو مزید بڑھا دیا ہے۔ویڈیو کا آغاز ایک نقاب پوش شخص سے ہوتا ہے جو ہاتھ میں پستول تھامے پنجاب کے نقشے پر ضلع مانسا کی نشاندہی کرتا ہے۔ اس کے بعد موسے والا کو جیپ چلاتے اور مخالفین کا سامنا کرتے دکھایا گیا ہے، جہاں وہ خود کو بچانے کے لیے فائرنگ کرتے نظر آتے ہیں۔ ٹیزر میں شامل ایک ’’بول‘‘ نے بھی مداحوں کی توجہ حاصل کی ’’منڈا بلیک کیٹ تیری، تیرے گولی مروا دو گی

پاکستانی شوبز انڈسٹری کی معروف اداکارہ حنا رضوی کی اچانک طبیعت خراب ہونے کے بعد انہیں فوری طور پر اسپتال منتقل کیا گیا، جہاں اس وقت وہ انتہائی نگہداشت کے شعبے (آئی سی یو) میں زیرِ علاج ہیں۔
اداکارہ کی صحت سے متعلق خبر سامنے آتے ہی مداحوں اور ساتھی فنکاروں میں تشویش کی لہر دوڑ گئی ہے۔ حنا رضوی نے خود اسپتال سے ایک مختصر ویڈیو شیئر کی، جس میں انہیں آکسیجن ماسک اور ڈرِپ کے ساتھ دیکھا جا سکتا ہے۔
حنا رضوی کا تعلق پاکستان کے ایک معروف فلمی خاندان سے ہے۔ ان کی بہن سنگیتا ماضی میں ایک کامیاب ہدایتکارہ اور اداکارہ رہی ہیں، جبکہ دوسری بہن کویتا بھی فلمی دنیا میں نمایاں مقام رکھتی ہیں۔ تاہم حنا رضوی نے فلموں کے بجائے ڈرامہ انڈسٹری میں اپنی پہچان بنائی اور اپنی محنت سے الگ مقام حاصل کیا۔
اداکارہ کی علالت کی خبر جیسے ہی منظرِ عام پر آئی، سوشل میڈیا پر مداحوں اور شوبز شخصیات کی جانب سے نیک تمناؤں اور دعاؤں کا سلسلہ شروع ہو گیا۔ کمنٹس میں ہر طرف ان کی جلد صحت یابی کے لیے دعائیں کی جا رہی ہیں۔
تاحال ان کی بیماری کی نوعیت کے بارے میں کوئی واضح تفصیلات سامنے نہیں آئی ہیں، تاہم ان کے مداح پرامید ہیں کہ وہ جلد صحت یاب ہو کر دوبارہ اسکرین پر اپنی اداکاری کے جوہر دکھائیں گی۔

کراچی: ایڈیشنل سیشن جج وسطی کی عدالت نے شعائرِ اسلام سے متعلق کیس میں معروف یوٹیوبر رجب بٹ کی عبوری ضمانت منسوخ کر دی۔سماعت کے دوران رجب بٹ عدالت میں پیش نہ ہو سکے، جس پر وکیلِ صفائی نے مؤقف اختیار کیا کہ ان کی طبیعت ناساز ہے، اسی وجہ سے وہ پیش نہیں ہو سکے۔دوسری جانب وکیلِ مدعی نے عدالت میں مؤقف اپنایا کہ ہر پیشی پر کوئی نہ کوئی بہانہ بنایا جاتا ہے، لہٰذا درخواست کی مخالفت کی جاتی ہے۔عدالت نے دلائل سننے کے بعد عبوری ضمانت منسوخ کرنے کا حکم دے دیا۔یاد رہے کہ رجب بٹ کے خلاف تھانہ حیدری مارکیٹ میں شعائرِ اسلام سے متعلق مقدمہ درج کیا گیا تھا۔