آخری تاریخ 31 دسمبر مقرر بی آر ٹی زو کارڈ کی بایومیٹرک تصدیق لازمی قرار، آخری تاریخ 31 دسمبر مقرر

ٹرانس پشاور نے بی آر ٹی کے تمام زو کارڈز کی نادرا کے ذریعے بایومیٹرک تصدیق لازمی قرار دے دی ہے۔ 15 اکتوبر 2026 سے شروع ہونے والے اس عمل کے تحت مسافروں کو اپنے زو کارڈز کی رجسٹریشن 31 دسمبر 2026 تک مکمل کروانا ہوگی۔ٹرانس پشاور کے مطابق زو کارڈز کی رجسٹریشن اور بایومیٹرک تصدیق کی سہولت بی آر ٹی کے تمام اسٹیشنز پر ٹکٹ کاؤنٹرز میں اسٹیشن کے اوقاتِ کار کے دوران دستیاب ہوگی۔ بالغ مسافروں کو رجسٹریشن کے لیے اپنا اصل قومی شناختی کارڈ اور زو کارڈ فراہم کرنا ہوگا۔رجسٹریشن کے دوران کاؤنٹر پر موجود عملہ مسافر کی ضروری معلومات درج کرنے کے بعد بایومیٹرک تصدیق مکمل کرے گا۔ زو کارڈ کی رجسٹریشن فیس 10 روپے مقرر کی گئی ہے۔ٹرانس پشاور کے چیف ایگزیکٹو آفیسر ڈاکٹر سید مرتضیٰ اصغر بخاری نے کہا ہے کہ اس اقدام کا مقصد مسافروں کی شناخت کی تصدیق کے ذریعے نظام کو مزید محفوظ اور مؤثر بنانا اور سفر کو منظم اور سہل بنانا ہے۔ٹرانس پشاور نے مسافروں پر زور دیا ہے کہ وہ آخری تاریخ سے پہلے اپنے کارڈز کی رجسٹریشن مکمل کروائیں تاکہ سفری سہولت میں کسی قسم کا تعطل نہ آئے اور آخری دنوں میں رش سے بچا جا سکے۔ٹرانس پشاور کے مطابق 18 سال سے کم عمر بچوں کے زو کارڈز بھی ب فارم یا والدین یا سرپرست کے شناختی کارڈ کے ذریعے رجسٹر کیے جا سکتے ہیں۔ب فارم کے ذریعے رجسٹریشن کے لیے بچے کا ب فارم اور زو کارڈ درکار ہوگا، جبکہ بچے کی بایومیٹرک تصدیق بھی کی جائے گی۔والدین یا سرپرست کے شناختی کارڈ کے ذریعے رجسٹریشن کی صورت میں متعلقہ بالغ فرد کا اصل شناختی کارڈ، بچے کا زو کارڈ اور بایومیٹرک تصدیق کے لیے والد، والدہ یا سرپرست کی موجودگی ضروری ہوگی۔ٹرانس پشاور کے مطابق غیر ملکی مسافر زو پشاور ایپ یا سنگل جرنی ٹکٹ استعمال کرکے بی آر ٹی میں سفر کر سکتے ہیں۔ٹرانس پشاور نے تمام مسافروں سے اپیل کی ہے کہ وہ مقررہ مدت کے اندر رجسٹریشن کا عمل مکمل کریں تاکہ بی آر ٹی میں ان کا سفر بلا تعطل جاری رہ سکے۔بی آر ٹی خبر مختصر اور تیز بنائیںاہم ہدایات بُلٹس میں نمایاں کریں