خیبر پختونخوا حکومت کا6مئی کو قلم چھوڑ ہڑتال کا اعلان

خیبر پختونخوا حکومت نے قلم چھوڑ ہڑتال کا اعلان کردیا ہے اس حوالے سے وزیراعلیٰ سہیل آفریدی کا کہنا تھا کہ خیبر پختونخوا میں پاکستان کے سب سے مقبول لیڈر عمران خان کی حکومت ہونے کے باعث وفاق کی جانب سے صوبے کے ساتھ امتیازی سلوک روا رکھا جا رہا ہے، وفاق کی جانب سے این ایف سی ایوارڈ، بجلی اور گیس میں صوبے کے ساتھ دانستہ امتیازی سلوک روا رکھا جا رہا ہے، 6 مئی کو صوبہ بھر میں قلم چھوڑ ہڑتال کی جائے گی تاہم ایمرجنسی سروسز مستثنیٰ ہوں گی، ان کا کہناتھا کہ عمران خان اور بشریٰ بی بی کو ذاتی معالجین کی نگرانی میں علاج کی سہولت فراہم نہیں کی جا رہی، عمران خان کو اہلِ خانہ اور وکلا سے ملاقات کی اجازت نہ دینا غیر انسانی اور غیر قانونی ہے، وزیر اعلی سہیل آفریدی کا آئین اور قانون کی پاسداری کرنے والے وکلا سے ہڑتال میں شرکت کی اپیل کی ۔