ایئر وائس مارشل طارق محمود غازی نے کہا ہے کہ معرکہ حق میں پاک فضائیہ نے تاریخی کارنامہ انجام دیا اور بھارت آج تک سمجھنے کی کوشش کر رہا ہے کہ آخر ہوا کیا تھا۔ڈی جی آئی ایس پی آر اور ڈپٹی چیف آف نیول اسٹاف کے ہمراہ پریس کانفرنس کرتے ہوئے ایئر وائس مارشل نے کہا کہ امن ہو یا جنگ ہم اپنی خود مختاری پر کوئی سمجھوتا نہیں کریں گے، پاک فضائیہ ملکی فضائی سرحدوں کے دفاع کے لیے ہمہ وقت تیار اور پر عزم ہیں۔انہوں نے اہم تفصیلات بتاتے ہوئے کہا کہ افواج پاکستان نے بھارت کو کئی حد تک لاچار کر دیا تھا اور ہمارے شاہینوں کے باعث دشمن فضائی حدود کے قریب بھی نہیں بھٹک سکا، پاک فضائیہ نے دشمن کے جنگی طیارے گرا کر فضائی برتری ثابت کر دی۔ایئر وائس مارشل نے کہا کہ بھارت نے گزشتہ سال مئی میں بیڑا تعینات کرنے کی کوشش کی۔ پاک فضائیہ دشمن کی ہر سرگرمی نوٹ کر رہی تھی اور ہم دشمن کے ڈیجیٹل فٹ پرنٹ کو مانیٹر کر رہے تھے۔انہوں نے مزید بتایا کہ ہم نے بارڈر پر مضبوط سیف گارڈ رکھا ہوا تھا اس لیے دشمن ہمارے بارڈر کے قریب آنے کی جرات نہیں کر سکتا تھا جبکہ بھارت کو اپنی فورس کو ری الائن کرنا پڑا۔پاک فضائیہ کے سینیئر افسر نے بتایا کہ ہم نے جارحانہ فلائٹس جاری رکھیں اور ٹرائی سروس پلانز گائیڈنس طے کی، سائبر فورس نے دشمن کی کمیونیکیشن کو ناکارہ بنایا۔ایئر وائس مارشل طارق محمود غازی کا کہنا تھا کہ معرکہ حق میں بھارت کے 8 طیارے گرائے جس میں 4 رافیل طیارے بھی شامل تھے، ہم نے بھارت کا ایک بغیر پائلٹ طیارہ بھی گرایا، اب ہمیں پہلی بار کہنا پڑے گا کہ ہمارا اسکور 0-8 تھا

معرکہ حق کے ایک سال مکمل ہونے پر ڈی جی آئی ایس پی آر لیفٹیننٹ جنرل احمد شریف نے اہم پریس کانفرنس کرتے ہوئے کہا ہے کہ پاکستان نے اپنے سے پانچ گنا بڑے دشمن کو شکست دی۔پاک بحریہ اور پاک فضائیہ کے سینیئر افسران کے ہمراہ پریس کانفرنس کرتے ہوئے ڈی جی آئی ایس پی آر نے کہا کہ معرکہ حق کا ایک سال مکمل ہونے پر قوم کو مبارکباد دیتے ہیں، معرکہ حق میں پاکستان نے بھارت کو ہر محاذ پر عبرتناک شکست دی۔لیفٹیننٹ جنرل احمد شریف نے کہا کہ ہم نے ایک سال پہلے بھارت کا غرور خاک میں ملادیا، ہم ہمیشہ کہتے تھے کہ کسی کا باپ بھی پاکستان پر آنچ نہیں لا سکتا۔ ہم تب بھی تیار تھے اور اب بھی تیار ہیں، کسی کو شک ہے تو اس کی ایک قسط ہم نے دکھائی ہے۔ڈی جی آئی ایس پی آر نے کہا کہ بھارت کو ہر محاذ پر شکست دی اور معرکہ حق میں ہم نے جنگ کی جہت کو بدل دیا، پاکستان نے ملٹی ڈومین وار میں دشمن کو جنگ میں شکست دی جو فضا، زمین، سمندر اور سائبر میں تھی۔انہوں نے کہا کہ بھارت دہائیوں سے جھوٹا بیانیہ بنا رہا تھا کہ پاکستان دہشت گردی میں ملوث ہے اور بھارت نے بیانیے کے لیے فالس فلیگ آپریشن کیے اور پہلگام واقعے پر بغیر تحقیقات لمحوں میں پاکستان پر الزام لگا دیا گیا۔لیفٹیننٹ جنرل احمد شریف نے کہا کہ بھارت کا دہشت گردی کا ڈرامہ ہمیشہ کے لیے دفن ہوگیا، بھارت خود سب سے بڑا دہشت گرد ہے، بھارت بتائے کس دہشت گرد کیمپ کو نشانہ بنایا؟ بھارت اپنے لوگوں سے دہشت گردی کرواتا ہے اور الزام دوسروں پر ڈال دیتا ہے۔انہوں نے کہا کہ بھارت دہشت گردوں کی سہولت کاری کر رہا ہے، پاکستان میں دہشت گردی کے ہر واقعے کے پیچھے بھارت اور افغانستان ملوث ہیں۔ افغان طالباب کے نام نہاد وزیر خارجہ بھارت سے مدد مانگتے ہیں۔لیفٹیننٹ جنرل احمد شریف نے کہا کہ بھارت پہلگام واقعے کے حوالے سے آج تک ثبوت سامنے نہیں لا سکا، پہلگام واقعے کے 10 منٹ بعد ایف آئی آر درج ہوگئی پہلگام واقعے کو ایک سال گزر گیا، ثبوت کہاں ہیں؟انہوں نے کہا کہ معرکہ حق میں جو کچھ ہوا پاکستان ہی نہیں بلکہ ہندوستان کا بچہ بچہ بھی جانتا ہے، بھارت کو نصیحت ہے کہ سچ بولنا سیکھے۔ بھارت میں اقلیتوں پر ہندوتوا ذہنیت مسلط کی جا رہی ہے۔لیفٹیننٹ جنرل احمد شریف چوہدری نے کہا کہ بھارت کے سیاست دان، سیاست دان کم ار جنگجو زیادہ لگتے ہیں۔ بھارت کی پروفیشنل فوج کو سیاست کی بھینٹ چڑھا دیا گیا۔ بھارتی سیاست دان ہندوتوا کے نعرے اور اکھنڈ بھارت کی باتیں کر رہے ہیں، اگر یہی زبان استعمال کرنا ہے سامنے آ جاؤ پھر۔انہوں نے واضح کیا کہ بھارتی پراکسیز کا پہلے بھی منہ توڑ جواب دیا اب بھی انہیں کہیں کا نہیں چھوڑیں گے، شکست کا غصہ ہے اسی لیے کبھی فتنۃ الخوارج تو کبھی فتنۃ الہندوستان کا استعمال کرتے ہیں۔ پاکستان میں دہشت گردی کے ہر واقعے کے پیچھے بھارت اور افغانستان ملوث ہیں۔لیفٹیننٹ جنرل احمد شریف چوہدری نے کہا کہ خطے کو استحکام کون دے رہا ہے، پاکستان ہی دے رہا ہے اور خطے میں امن کے لیے سب سے زیادہ کوششیں پاکستان کر رہا ہے۔ ہمارے عزم پر کسی کو شک نہیں ہونا چاہیے، دو نیوکلیئر ریاستوں کے درمیان جنگ پاگل پن ہےانہوں نے کہا کہ 14 اگست کو پاور پوٹینشل کی چھوٹی سی جھلک عوام کو دکھائیں گے، مقصد یہ ہے کہ وہ بعد میں یہ نہ کہیں کہ بتایا نہیں تھا۔ پاکستان کی سلامتی اور خود مختاری کا ہر قیمت پر دفاع کریں گے۔لیفٹیننٹ جنرل احمد شریف نے کہا کہ اللہ کا شکر ادا کرتے ہیں جب ہم اس سال کا احاطہ کرتے ہیں، ہم احاطہ کریں گے کہ ہمارا مشرقی ہمسایہ ملک سارا سال کیا کرتا رہا۔ یہ سندور سے نکلتے کیوں نہیں، سندور تو خواتین کو لگایا جاتا ہے۔انہوں نے کہا کہ کشمیر بھارت کا اندرونی معاملہ نہیں، کشمیر عالمی سطح پر تسلیم شدہ حل طلب معاملہ ہے، کشمیر پر اقوام متحدہ کی قراردادیں موجود ہیں، بھارت کشمیری مسلمانوں اور منی پور کے شہریوں پر مظالم ڈھا رہا ہے۔ڈی جی آئی ایس پی آر لیفٹیننٹ جنرل احمد شریف کا کہنا تھا کہ ایک پاکستان اور دوسرا فیلڈ مارشل دن رات بھارت کے خواب میں آتے ہیں

محکمہ موسمیات نے خبر دار کرتے ہوئے کہا ہے کہ دادو، شہید بینظیرآباد، گھوٹکی، خیرپور، نوشہروفیروز، جیکب آباد، لاڑکانہ، سکھر، سبی، تربت اور پنجگور میں زیادہ سے زیادہ درجہ حرارت 46 سے 50 ڈگری سینٹی گریڈ تک جا سکتا ہے۔
محکمہ موسمیات کے مطابق ملتان اور ڈیرہ غازی خان سمیت جنوبی پنجاب، ڈیرہ اسماعیل خان میں پارہ 43 سے 47 ڈگری سینٹی گریڈ کو چھو سکتا ہے۔
اس کے علاوہ پشاور، مردان، صوابی، نوشہرہ، اسلام آباد، راولپنڈی،لاہور اور سیالکوٹ سمیت بالائی پنجاب میں درجہ حرارت 39 سے 43 ڈگری سینٹی گریڈ رہنے کا امکان ہے جبکہ کراچی میں زیادہ سے زیادہ درجہ حرارت 35 سے 38 ڈگری سینٹی گریڈ تک ریکارڈ کیا جاسکتا ہے۔
دوسری جانب ماہرین نے سخت گرمی میں شہریوں کو دھوپ میں غیر ضروری طور پر باہر نہ نکلنے اور زیادہ سے زیادہ پانی پینے کا مشورہ دیا ہے۔

قومی کرکٹ ٹیم کے سابق کپتان شاہد آفریدی نے مولانا محمد ادریس ترنگزئی کو شاندار الفاظ میں خراج تحسین پیش کیا ہے۔
سماجی رابطوں کی ویب سائٹ پر جاری بیان میں شاہد آفریدی نے لکھا کہ ممتاز عالمِ دین، شیخ الحدیث حضرت مولانا محمد ادریس ترنگزئی صاحب کی بزدلانہ قاتلانہ حملے میں شہادت کی خبر پر دل انتہائی رنجیدہ کر ہے۔
شاہد آفریدی نے کہا کہ علم و تقویٰ کا یہ ستارہ ہمیشہ یاد رکھا جائے گا۔ اُمید ہے قاتلوں کو جلد بے نقاب کیا جائے گا۔ انہوں نے دعا کی کہ اللہ تعالیٰ مرحوم کے درجات بلند اور اہل خانہ کو صبر جمیل عطا فرمائے۔

کے الیکٹرک سمیت ملک بھر کے بجلی صارفین کو 63ارب 94 کروڑ روپے کا بڑا ریلیف ملنے کا امکان ہے۔ڈسکوز نے کیلنڈر سال 2026 کی پہلی سہ ماہی کی ایڈجسٹمنٹ کے لیے درخواست نیپرا میں جمع کروا دی، جس کی 19 مئی کو سماعت کی جائے گی۔درخواست کے مطابق جنوری تا مارچ کیپسٹی چارجز کی مد میں 36ارب 83کروڑ 70 لاکھ روپے کمی ہوئی۔ڈسکوز نے درخواست میں کہا ہے کہ سسٹم کے استعمال کے چارجز و مارکیٹ آپریشن فیس کی مد میں 11 ارب 24 کروڑ روپے کمی ہوئی، انکریمنٹل یونٹس کی مد میں 23 ارب 51 کروڑ روپے کمی کی درخواست ہے۔صارفین کو ریلیف فراہمی کا حتمی فیصلہ نیپرا سماعت کے بعد ہوگا۔