پی ٹی آئی بریت اسلام آباد کی انسداد دہشت گردی عدالت کا گرفتار کارکنان کو مقدمات سے ڈسچارج کرنے کا حکم

اسلام آباد کی انسداد دہشت گردی عدالت نے لانگ مارچ کے دوران درج مقدمات میں گرفتار پاکستان تحریک انصاف کے تمام کارکنان کو مقدمات سے ڈسچارج کرنے کا حکم دے دیا، جس سے ان کی رہائی کی راہ ہموار ہوگئی۔
سماعت کے دوران پولیس نے کارکنان کی شناخت پریڈ کے لیے مزید مہلت طلب کی، جس پر پی ٹی آئی کے وکلا نے اعتراض اٹھایا۔ وکلا نے مؤقف اختیار کیا کہ کارکنان کو گرفتار ہوئے 40 روز سے زائد گزر چکے ہیں، لیکن پولیس مسلسل مہلت مانگ رہی ہے۔
عدالت نے پولیس کی درخواست مسترد کرتے ہوئے تھانہ شالیمار اور تھانہ سیکرٹریٹ کے مقدمات میں شناخت پریڈ کے لیے جوڈیشل کیے گئے تمام کارکنان کو مقدمات سے ڈسچارج کرنے کا حکم جاری کر دیا۔