آئل ٹینکر تباہ آبنائے ہرمز میں 20 لاکھ بیرل سے زائد تیل لے جانے والا ٹینکر بارودی سرنگ سے ٹکرا گیا

ایران کی پاسداران انقلاب کی بحریہ کا کہنا ہے کہ 20 لاکھ بیرل سے زائد خام تیل لے جانے والا ایک سپر ٹینکر آبنائے ہرمز سے گزرنے کے لیے غیر مجاز راستہ اختیار کرتے ہوئے سمندری بارودی سرنگ سے ٹکرا گیا۔نیم سرکاری خبر رساں ادارے تسنیم کے مطابق ٹکر کے نتیجے میں زوردار دھماکا ہوا اور جہاز میں بڑے پیمانے پر آگ بھڑک اٹھی۔بیان میں الزام عائد کیا گیا کہ ٹینکر نے اپنے تمام ٹریکنگ اور ریڈار سسٹم بند کر رکھے تھے اور امریکی فوج کی مدد سے دھوکہ دہی کے ذریعے آبنائے سے گزرنے کی کوشش کر رہا تھا۔پاسداران انقلاب نے خبردار کیا کہ آبنائے ہرمز بند ہے اور ایرانی ضوابط کی خلاف ورزی کرنے والے ایسے جہازوں کو سنگین نتائج کا سامنا کرنا پڑے گا جو امریکی حمایت پر بھروسا کریں گے