کلفٹن سپراسٹور میں آگ، 9 گھنٹے بعد بھی جاری

کراچی کے علاقے کلفٹن میں زمزمہ پارک سے متصل سپر اسٹور میں لگی آگ پر 9 گھنٹے گزرنے کے بعد بھی قابو نہیں پایا جا سکا۔
فائر بریگیڈ حکام کا کہنا ہے کہ آگ سپراسٹور کے بیسمنٹ میں لگی ہوئی ہے، اور بیسٹمنٹ میں سپر اسٹور کا گودام ہے۔
حکام کا کہنا ہے عمارت میں آگ کو پھیلنے سے روک دیا گیا ہے، بیسمنٹ میں لگی آگ پر قابو پانے کی کوشش کی جا رہی ہیں، آگ پر قابو پانے کے لیے فائر بریگیڈ کی 15 گاڑیاں کام کر رہی ہیں۔