آسٹریلیا میں چوہوں کا فصلوں پر حملہ، خوراک کی سپلائی متاثر ہونے کا خدشہ

آسٹریلیا میں چوہوں کے فصلوں پر حملوں سے خوراک کی سپلائی متاثر ہونے کا خدشہ ہے۔غیر ملکی میڈیا کے مطابق آسٹریلوی حکومت مغربی علاقوں میں چوہوں سے پریشان ہے جو خوراک کی سپلائی کو متاثر کررہے ہیں، چوہے آسٹریلیا کے اناج اُگانے والے علاقوں کیلئے ایک مستقل مسئلہ بن گئے ہیں جو فصلوں کو نقصان پہنچا رہے ہیں۔آسٹریلیا میں فصلوں پر چوہوں کا حملہ، کسانوں کی محنت پر پانی پھیر دیااس حوالے سے آسٹریلوی وزیر توانائی نے کہا کہ حکومت صنعت کے ساتھ مل کر اس مسئلے کو حل کرنے کی کوشش کررہی ہے، چوہوں نے کسانوں، صنعتوں اور حکومت کے لیے بہت مشکل صورتحال پیدا کردی ہے۔میڈیا رپورٹس کے مطابق آسٹریلیا دنیا کا چوتھا سب سے بڑا گندم برآمد کرنے والا ملک ہے۔اس سے قبل آسٹریلیا میں 1993 میں بھی چوہوں نے ہزاروں ایکڑ فصلوں کو تباہ کیا تھا۔