میڈیا کی معروف شخصیت اور سی این این کے بانی چل بسے

میڈیا کی دنیا میں انقلاب برپا کرنے والے، سی این این کے بانی ٹیڈ ٹرنر 87 برس کی عمر میں فانی دنیا کو خیرباد کہہ گئے، عظیم شخصیت کے انتقال پر عالمی میڈیا، سیاسی شخصیات اور صحافیوں نے انہیں جدید نشریاتی صحافت کا معمار قرار دیتے ہوئے خراجِ تحسین پیش کیا ہے۔
غیر ملکی ذرائع ابلاغ کے مطابق ٹیڈ ٹرنر کے قائم کردہ عالمی نیوز نیٹ ورک سی این این نے گزشتہ روز ان کی وفات کی تصدیق کی۔
رپورٹس کے مطابق ٹیڈ ٹرنر نے 1980 میں ’کیبل نیوز نیٹ ورک‘ (سی این این) کا آغاز کیا، جو دنیا کا پہلا مستقل 24 گھنٹے خبریں نشر کرنے والا چینل تھا۔ ابتدا میں اس منصوبے کو شدید تنقید اور شکوک کا سامنا کرنا پڑا، یہاں تک کہ بعض ناقدین اسے طنزیہ انداز میں ’چکن نوڈل نیٹ ورک‘ بھی کہتے تھے، تاہم وقت کے ساتھ یہ نیٹ ورک عالمی میڈیا کا ایک طاقتور ستون بن کر سامنے آیا۔
رپورٹس کے مطابق ٹرمپ نے ٹیڈ ٹرنر کو ’نشریاتی تاریخ کی عظیم شخصیات میں سے ایک‘ قرار دیتے ہوئے کہا کہ وہ ہمیشہ اچھے مقصد کے لیے کھڑے ہونے کو تیار رہتے تھے۔

کیا آپ اس سادہ سی تصویر میں چھپی بڑی غلطی ڈھونڈ سکتے ہیں؟

اگر آپ ذہین ہیں تو تیس سیکنڈ سے بھی پہلے اس غلطی کو تلاش کرسکتے ہیں،سوشل میڈیا پر ایک بظاہر سادہ مگر ذہن کو الجھا دینے والی تصویری پہیلی نے انٹرنیٹ صارفین کی توجہ اپنی جانب مبذول کرلی ہے، جہاں لوگوں کو ایک گھڑی میں چھپی معمولی مگر اہم غلطی تلاش کرنے کا چیلنج دیا گیا۔وائرل ہونے والی اس تصویر میں ایک روایتی گھڑی دکھائی گئی ہے جس پر رومن ہندسوں میں وقت درج ہے۔ پہلی نظر میں یہ عام گھڑی محسوس ہوتی ہے، لیکن درحقیقت اس میں ایک ایسی غلطی موجود ہے جسے فوری طور پر پہچاننا ہر کسی کے لیے آسان نہیں۔ لیکن اگر آپ ذہین ہیں تو صرف چند سیکنڈ میں یہ غلطی ڈھونڈ سکتے ہیں۔ذہانت آزمانے والی ایسی بصری پہیلیاں انٹرنیٹ پر ہمیشہ سے مقبول رہی ہیں، کیونکہ یہ نہ صرف مشاہدے کی صلاحیت کو جانچتی ہیں بلکہ صارفین کو تفریح بھی فراہم کرتی ہیں۔ یہی وجہ ہے کہ اس پہیلی نے بھی دیکھتے ہی دیکھتے سوشل میڈیا پر مقبولیت حاصل کر لی۔صارفین کو کہا گیا کہ وہ محض 30 سیکنڈ میں تصویر کا بغور جائزہ لے کر غلطی تلاش کریں۔ بہت سے افراد ابتدا میں الجھن کا شکار رہے، کیونکہ غلطی نہایت معمولی ہونے کے باوجود نظروں سے اوجھل رہتی ہے۔آپ بھی کوشش کیجئے اور تیس سیکنڈ میں غلطی تلاش کرکے جواب دیجیے۔ اگر آپ ناکام رہتے ہیں تو ہم نیچے آپ کو اس پہیلی کا درست جواب بھی بتائیں گے۔ٹھیک ہے، تو پھر ہم ہی آپ کو بتادیتے ہیں کہ اصل غلطی کیا ہے۔ نیچے دی گئی تصویر کو دیکھیے۔ ہم نے غلطی کو سرخ دائرے میں ظاہر کیا ہے۔درست جواب یہ ہے کہ رومن ہندسوں میں عدد 4 کو عام طور پر “IV” لکھا جاتا ہے، جبکہ گھڑی میں اسے غلط انداز میں تحریر کیا گیا ہے۔ یہی چھوٹی سی غلطی پوری تصویر کو ایک دلچسپ ذہنی آزمائش میں بدل دیتی ہے۔یہ پہیلی ایک بار پھر ثابت کرتی ہے کہ بعض اوقات معمولی سی تفصیل بھی ہماری توجہ سے بچ جاتی ہے، اور یہی چیز ایسی تصاویر کو مزید دلچسپ بنا دیتی ہے۔ اگر آپ نے یہ غلطی خود تلاش کر لی تھی تو یقیناً آپ کی مشاہداتی صلاحیت قابلِ تعریف ہے

واٹس ایپ کا مخصوص آئی فون ڈیوائسز کی سپورٹ ختم کرنیکا فیصلہ

انسٹنٹ میسجنگ ایپلی کیشن واٹس ایپ نے اپنے نئے اپڈیٹ سائیکل کے تحت کئی پرانے اسمارٹ فونز کی سپورٹ ختم کرنے کا فیصلہ کر لیا ہے، جس کا اثر آئی فون اور اینڈرائیڈ دونوں صارفین پر پڑے گا۔ یہ اقدام سیکیورٹی، کارکردگی اور نئے فیچرز کے ساتھ بہتر مطابقت کو یقینی بنانے کے لیے اٹھایا گیا ہے۔اب وہ آئی فونز جن میں آئی او ای 15.1 یا اس سے نیا ورژن نہیں چل سکتا، ان پر واٹس ایپ کام نہیں کرے گا۔ اس میں خاص طور پر پرانے ماڈلز جیسے آئی فون 5 سیریز اور آئی فون 6 سیریز شامل ہیں کیونکہ یہ مطلوبہ سافٹ ویئر تک اپگریڈ نہیں ہو سکتے۔ایسی ڈیوائسز جو پرانے آئی او ایس ورژنز پر ہی رہیں گی ان میں بتدریج واٹس ایپ کی سہولیات ختم ہوتی جائیں گی، حتیٰ کہ میسجنگ بھی بند ہو جائے گی۔جن آئی فونز پر آئی او ایس 15.1 یا اس کے بعد کا ورژن انسٹال نہیں ہو سکتا، ان میں درج ذیل ڈیوائسز شامل ہیں:• iPhone 5• iPhone 5c• iPhone 5s• iPhone 6• iPhone 6 Plusیہ تمام ماڈلز اب واٹس ایپ کے جدید ورژن کے ساتھ مطابقت نہیں رکھیں گے۔

پاکستان اور دیگر ممالک کی درخواست پر بڑا فیصلہ،ایران سے مذاکرات کے لیے اہم پیش رفت

امریکی صدر ڈونلڈ ٹرمپ نے آبنائے ہرمز میں جاری پروجیکٹ فریڈم کو عارضی طور پر روکنے کا اعلان کرتے ہوئے دنیا بھر کو حیران کر دیا ہے، جسے ایران کے ساتھ ممکنہ تاریخی معاہدے کی جانب اہم پیش رفت قرار دیا جا رہا ہے۔
صدر ٹرمپ نے اپنے سوشل میڈیا پلیٹ فارم ٹرتھ سوشل پر جاری بیان میں کہا کہ پاکستان سمیت مختلف ممالک کی درخواست اور ایران کے خلاف حالیہ فوجی کارروائیوں میں کامیابی کے بعد یہ فیصلہ کیا گیا ہے۔ ان کے مطابق ایران کے نمائندوں کے ساتھ ایک مکمل اور حتمی معاہدے کی جانب نمایاں پیش رفت ہو چکی ہے۔
ٹرمپ نے واضح کیا کہ اگرچہ آبنائے ہرمز میں ناکہ بندی بدستور برقرار رہے گی، تاہم جہازوں کی محفوظ آمد و رفت سے متعلق “پروجیکٹ فریڈم” کو وقتی طور پر معطل کیا جا رہا ہے تاکہ دیکھا جا سکے کہ آیا معاہدہ حتمی شکل اختیار کر پاتا ہے یا نہیں۔
دفاعی ماہرین کے مطابق یہ اقدام خطے میں کشیدگی کم کرنے کی ایک بڑی کوشش ہو سکتی ہے، جبکہ عالمی منڈیوں، خصوصاً تیل کی ترسیل پر اس کے اثرات گہرے ہو سکتے ہیں۔ یاد رہے کہ آبنائے ہرمز دنیا کی اہم ترین گزرگاہوں میں شمار ہوتی ہے جہاں سے عالمی تیل کی بڑی مقدار گزرتی ہے۔
ادھر سفارتی حلقے اس پیش رفت کو ایران اور امریکا کے درمیان ممکنہ ڈیڈلاک کے خاتمے کی علامت قرار دے رہے ہیں، تاہم صورتحال تاحال غیر یقینی ہے اور آئندہ چند دن انتہائی اہم سمجھے جا رہے ہیں۔

ایران کا الزام: امریکی فورسز کی فائرنگ، آبنائے ہرمز میں ہلاکتیں

ایران کے سرکاری میڈیا نے دعویٰ کیا ہے کہ آبنائے ہرمز میں امریکی فوج کے ایک مبینہ حملے میں 5 شہری جاں بحق ہو گئے۔
رپورٹ کے مطابق یہ واقعہ اس وقت پیش آیا جب امریکا کی جانب سے بحری آمد و رفت بحال کرنے کے لیے جاری آپریشن کے دوران ایرانی کشتیوں کو نشانہ بنایا گیا۔
ایرانی خبر رساں اداروں کے مطابق امریکی افواج نے جن کشتیوں پر حملہ کیا وہ پاسدارانِ انقلاب سے وابستہ نہیں تھیں بلکہ عام شہریوں کی کشتیاں تھیں جو سامان اور مسافروں کو لے جا رہی تھیں۔ واقعے میں 5 افراد کے جاں بحق ہونے کی اطلاع دی گئی ہے۔
تسنیم نیوز ایجنسی کو ایک فوجی اہلکار نے بتایا کہ تحقیقات کے بعد معلوم ہوا کہ امریکی افواج نے دو چھوٹی مال بردار کشتیوں پر فائرنگ کی۔ یہ کشتیاں خصب سے ایرانی ساحل کی طرف جا رہی تھیں اور ان میں عام شہری سوار تھے۔
ایرانی حکام کا کہنا ہے کہ امریکی کارروائی عجلت اور غلط اندازے کا نتیجہ تھی، جس کی وجہ پاسدارانِ انقلاب کی تیز رفتار کشتیوں سے متعلق امریکی خدشات اور خوف کو قرار دیا جا رہا ہے۔
دوسری جانب امریکی سینٹرل کمانڈ (سینٹکام) نے اپنے بیان میں کہا تھا کہ اس نے ایران کی 6 کشتیوں کو تباہ کیا اور ایران کی جانب سے داغے گئے کروز میزائلوں اور ڈرونز کو بھی مار گرایا۔ سینٹکام کے سربراہ بریڈ کوپر کے مطابق یہ کارروائی آبنائے ہرمز میں جہاز رانی کو محفوظ بنانے کے لیے جاری آپریشن کا حصہ تھی۔
ماہرین کے مطابق اس واقعے کے بعد خطے میں کشیدگی مزید بڑھنے کا خدشہ ہے، جبکہ عالمی سطح پر توانائی کی ترسیل اور بحری تجارت بھی متاثر ہو سکتی ہے۔

معروف عالم دین شیخ الحدیث مولانا محمد ادریس قاتلانہ حملے میں شہید

ذرائع کے مطابق مولانا محمد ادریس پر فائرنگ کا واقعہ ضلع چارسدہ کے علاقے اتما نزئی میں پیش آیا۔ واقعے میں دو پولیس اہلکار بھی زخمی ہوئے۔
مولانا محمد ادریس دورہ حدیث درس دینے کے لیے دارالعلوم اتمانزئی جارے تھے کہ یہ واقعہ رونما ہوا، ان کی لاش ڈی ایچ کیو اسپتال منتقل کر دی گئی، جہاں اطلاع ملتے ہی ان کے ہزاروں کی تعداد میں عقیدت مند پہنچ گئے۔
شیخ الحدیث مولانا محمد ادریس کا شمار پاکستان کے نامور اور جید علماء کرام میں ہوتا تھا، پولیس ذرائع کے مطابق فائرنگ نامعلوم افراد کی جانب سے کی گئی تھی، واقعہ کے بعد انہیں فوری طور پر ہسپتال منتقل کیا گیا لیکن وہ راستے میں ہی دم توڑ گئے، فائرنگ کے واقعہ کے بعد ملزمان موقع سے فرار ہوگئے۔

متحدہ عرب امارات نے دعویٰ کیا ہے کہ ایران کی جانب سے میزائل اور ڈرون حملوں کے بعد ملک کے مختلف علاقوں میں میزائل شکن دفاعی فضائی نظام کو فعال کر دیا گیا۔
عرب میڈیا کے مطابق یو اے ای کی وزارتِ دفاع نے بتایا کہ ایران کی جانب سے مجموعی طور پر چار میزائل داغے گئے جن میں سے تین کو فضائی دفاعی نظام نے کامیابی سے روک لیا جبکہ ایک میزائل سمندر میں گر گیا۔
وزارت دفاع کے بیان میں مزید کہا گیا ہے کہ کے ملک بھر میں سنے جانے والی دھماکوں کی آوازیں انھی دفاعی کارروائیوں کا نتیجہ تھیں جن میں ایرانی میزائلوں کو فضا میں تباہ کیا گیا تھا۔
البتہ متحدہ عرب امارات کے صنعتی علاقے فجارہ میں ایک آئل تنصیب پر ایران کے ڈرون حملے میں خوفناک آگ بھڑک اُٹھی اور تین افراد کے زخمی ہونے کی اطلاع ہے جن کا تعلق بھارت سے بتایا جا رہا ہے۔
حکام نے بتایا کہ فائر بریگیڈ اور ایمرجنسی ٹیمیں فوری طور پر جائے موقع پر پہنچ گئیں اور آگ بجھانے کی کوششیں جاری رہیں۔ زخمیوں کو قریبی اسپتال منتقل کردیا گیا ہے۔
ادھر متحدہ عرب امارات کی وزارتِ خارجہ نے ایران کے میزائل اور ڈرون حملوں کی سخت مذمت کرتے ہوئے انہیں دھوکہ دہی پر مبنی قرار دیا ہے۔

صرف 20 منٹ میں تھکن غائب! پیروں کو گرم پانی میں رکھنے کے حیرت انگیز فائدے

دن بھر کی تھکن، جسمانی درد اور ذہنی دباؤ سے نجات کے لیے مہنگے علاج یا دواؤں کی ضرورت نہیں، بلکہ ایک سادہ گھریلو طریقہ بھی حیران کن نتائج دے سکتا ہے۔ پیروں کو گرم پانی میں ڈبونا ایک ایسا آسان نسخہ ہے جو نہ صرف جسم کو سکون دیتا ہے بلکہ کئی طبی فوائد بھی فراہم کرتا ہے۔ماہرین کے مطابق گرم پانی میں پاؤں رکھنے سے خون کی گردش بہتر ہوتی ہے، جس سے پٹھوں کی اکڑن کم ہوتی ہے اور جسم کو فوری آرام ملتا ہے۔ یہ طریقہ خاص طور پر ان افراد کے لیے مفید ہے جو دن بھر کھڑے رہ کر کام کرتے ہیں یا ٹانگوں میں درد اور بھاری پن محسوس کرتے ہیں۔اگر اس پانی میں ایپسم نمک یا عام نمک شامل کر لیا جائے تو اس کے فوائد مزید بڑھ جاتے ہیں۔ یہ سوجن کم کرتا ہے، جلد کو نرم بناتا ہے اور پیروں کی بدبو ختم کرنے میں بھی مدد دیتا ہے۔ اس کے علاوہ یہ عمل ذہنی دباؤ کو کم کرتا ہے اور نیند کے معیار کو بہتر بناتا ہے۔قدیم گھریلو طریقوں میں اسے بخار کم کرنے کے لیے بھی استعمال کیا جاتا رہا ہے۔ سونے سے کچھ دیر پہلے پیروں کو گرم پانی میں رکھنے سے دماغ کو سکون ملتا ہے اور بے خوابی میں کمی آتی ہے۔یہ ایک سادہ، محفوظ اور کم خرچ طریقہ ہے جسے روزمرہ زندگی کا حصہ بنا کر صحت میں نمایاں بہتری لائی جا سکتی ہے

لیموں ملا پانی صحت کے لیے کیوں مفید؟ روزانہ استعمال کے 10 حیرت انگیز فوائد

لیموں ملا پانی دنیا بھر میں ایک سادہ مگر انتہائی مفید مشروب سمجھا جاتا ہے۔ یہ نہ صرف جسم کو تازگی فراہم کرتا ہے بلکہ کئی طبی فوائد بھی رکھتا ہے۔لیموں وٹامن سی، اینٹی آکسیڈنٹس، پوٹاشیئم، میگنیشیئم اور دیگر ضروری معدنیات سے بھرپور ہوتا ہے۔لیموں پانی پینے سے جسم بہتر انداز میں ہائیڈریٹ رہتا ہے، جس سے جسمانی درجہ حرارت، جوڑوں کی لچک اور خلیاتی کارکردگی بہتر ہوتی ہے۔وٹامن سی کی بھرپور مقدار انفیکشن سے بچاؤ، زخم جلد بھرنے اور مدافعتی نظام کو مضبوط بنانے میں مدد دیتی ہے۔لیموں پانی نظام ہضم کو فعال کرتا ہے، بدہضمی، قبض اور گیس جیسے مسائل میں مددگار ثابت ہو سکتا ہے۔کم کیلوریز اور پیکٹن فائبر کی موجودگی بھوک کم کرنے میں مدد دیتی ہے، جس سے وزن کنٹرول کرنے میں آسانی ہو سکتی ہے۔اینٹی آکسیڈنٹس اور وٹامن سی جلد کی تازگی برقرار رکھنے، کولیجن بڑھانے اور قبل از وقت بڑھاپے سے بچانے میں مدد دیتے ہیں۔لیموں پانی جگر کے افعال کو بہتر بنا کر جسم سے غیر ضروری مادوں کے اخراج میں مدد کرتا ہے۔لیموں جسم میں تیزابیت اور الکلائن توازن برقرار رکھنے میں کردار ادا کر سکتا ہے۔یہ جسمانی توانائی اور کیلوریز جلانے کے عمل کو بہتر بنانے میں معاون ثابت ہو سکتا ہے۔پوٹاشیئم بلڈ پریشر کو متوازن رکھنے اور دل کے افعال بہتر بنانے میں مدد دیتا ہے۔لیموں میں موجود قدرتی سٹریٹ گردوں میں پتھری بننے کے امکانات کم کر سکتا ہے۔لیموں پانی اگرچہ مفید ہے، مگر زیادہ استعمال بعض افراد میں معدے یا دانتوں پر اثر ڈال سکتا ہے، اس لیے اعتدال ضروری ہے

اسلام آباد اور گرد و نواح میں 5.2 شدت کا زلزلہ

اسلام آباد: وفاقی دارالحکومت اور گردونواح میں زلزلے کے جھٹکے محسوس کیے گئے جس سے شہریوں میں خوف و ہراس پھیل گیا۔
زلزلہ پیما مرکز کے مطابق زلزلے کی شدت ریکٹر اسکیل پر 5.2 ریکارڈ کی گئی جبکہ اس کی گہرائی 128 کلو میٹر تھی۔ زلزلے کا مرکز تاجکستان اور سنکیانگ کے سرحدی علاقے میں تھا۔
ابتدائی اطلاعات کے مطابق زلزلے کے جھٹکے صبح 10 بج کر 56 منٹ پر محسوس کیے گئے، زلزلے سے کسی جانی یا مالی نقصان کی اطلاع موصول نہیں ہوئی، حکام کی جانب سے صورتحال کا جائزہ لیا جا رہا ہے۔