چارسدہ کے نستہ روڈ پر موٹر وے پل کے قریب تیز رفتاری کے باعث پیش آنے والے ٹریفک حادثے میں ایک شخص جاں بحق جبکہ 10 افراد شدید زخمی ہوگئے۔ریسکیو ذرائع کے مطابق مسافر ویگن بے قابو ہوکر فٹ پاتھ سے ٹکرا گئی، جس کے نتیجے میں ویگن میں سوار افراد متاثر ہوئے۔ذرائع کا کہنا ہے کہ حادثے کا شکار تمام افراد ایک ہی خاندان سے تعلق رکھتے ہیں اور پشاور سربند کے رہائشی ہیں، جو چارسدہ میں شادی کی تقریب میں شرکت کے بعد واپس جا رہے تھے۔حادثے کی اطلاع ملتے ہی ریسکیو چارسدہ کی ٹیمیں ایمبولینسز اور میڈیکل اسٹاف کے ہمراہ موقع پر پہنچ گئیں۔ریسکیو سیٹلائٹ اسٹیشن موٹر وے کی ایمبولینس نے زخمیوں کو موقع پر ابتدائی طبی امداد فراہم کی، جس کے بعد تمام زخمیوں کو مزید علاج کے لیے ڈسٹرکٹ ہیڈکوارٹر اسپتال چارسدہ منتقل کردیا گیا
