72 سالہ ملائیشین فٹبال لیجنڈ کی 20 سالہ لڑکی سے شادی دونوں خاندان رشتے پر رضامند تھے ،بھائی داتوک عبدہ علیف

ملائیشیا کے سابق فٹبال اسٹار داتوک عبدہ علیف نے 72 برس کی عمر میں خود سے 52 سال کم عمر 20 سالہ لڑکی سے شادی کرلی۔ملائیشین میڈیا کے مطابق عبدہ علیف کے چھوٹے بھائی اور سابق قومی کھلاڑی و کوچ داتوک یونس علیف نے تصدیق کی کہ شادی 27 اگست کو ہوئی۔ان کا کہنا تھا کہ دونوں خاندان اس رشتے پر رضامند تھے اور شادی میں کسی قسم کی رکاوٹ پیش نہیں آئی۔رشتہ داروں اور قریبی عزیزوں کی جانب سے نو بیاہتا جوڑے کے لیے نیک خواہشات کا اظہار بھی کیا گیا۔یونس علیف کے مطابق ممکنہ طور پر ان کے بھائی اس وقت ہنی مون پر ہیں اسی وجہ سے وہ کسی کی فون کالز کا جواب نہیں دے رہے۔عبدہ علیف کے ایک سابق ساتھی نے بھی وائرل تصویر کو مستند قرار دیا تاہم شادی کی جگہ اور دیگر تفصیلات بتانے سے گریز کیا۔سابق فٹبالر کی شادی کی تصاویر سوشل میڈیا پر تیزی سے وائرل ہوگئیں۔