26 نومبر احتجاج کیس میں سہیل آفریدی سمیت دیگر کے وارنٹ دوبارہ جاری

اسلام آباد کی انسداد دہشت گردی عدالت نے 26 نومبر احتجاج کیس میں وزیر اعلیٰ خیبر پختونخوا سہیل آفریدی سمیت دیگر ملزمان کے دوبارہ وارنٹ گرفتاری جاری کردیے۔ کیس کی سماعت انسداد دہشت گردی عدالت کے جج طاہر عباس سپرا نے کی۔
سماعت کے دوران عدالت کو بتایا گیا کہ پولیس کی جانب سے مقدمے کا چالان تاحال عدالت میں پیش نہیں کیا جا سکا، جس پر عدالت نے برہمی کا اظہار کرتے ہوئے پولیس کو چالان جلد جمع کرانے کی ہدایت کی۔ عدالت نے سہیل آفریدی سمیت دیگر کے دوبارہ وارنٹ گرفتاری جاری کرتے ہوئے کیس کی مزید سماعت 9 اکتوبر تک ملتوی کردی۔
واضح رہے کہ 26 نومبر احتجاج کے معاملے پر پی ٹی آئی رہنماؤں اور کارکنان کے خلاف تھانہ مارگلہ میں مقدمہ درج ہے۔