خیبرپختونخوا میں محرم کے دوران جدید ٹیکنالوجی سے نگرانی کا فیصلہ

پشاور میں وزیراعلیٰ خیبرپختونخوا محمد سہیل آفریدی کی زیر صدارت محرم الحرام سکیورٹی پلان کا جائزہ اجلاس منعقد ہوا۔ اجلاس میں محرم کے دوران امن و امان برقرار رکھنے اور شہریوں کے جان و مال کے تحفظ کو اولین ترجیح قرار دیا گیا۔ پولیس حکام نے بریفنگ دیتے ہوئے بتایا کہ صوبے بھر میں 43,317 پولیس اہلکار سکیورٹی فرائض انجام دیں گے جبکہ 614 امام بارگاہوں اور 907 جلوسوں کے لیے خصوصی انتظامات کیے گئے ہیں۔ وزیراعلیٰ نے ہدایت کی کہ تمام دستیاب وسائل بروئے کار لائے جائیں اور محرم ڈیوٹی پر مامور پولیس اہلکاروں کی فلاح و بہبود، سہولیات اور تحفظ کا بھی خصوصی خیال رکھا جائے۔ سکیورٹی کے لیے جدید ٹیکنالوجی، سیف سٹی کیمروں، سوشل میڈیا مانیٹرنگ اور کمانڈ اینڈ کنٹرول سینٹرز کو فعال رکھا جائے گا