ایران امریکا کشیدگی میں پاکستان کی مؤثر سفارت کاری کے باعث یہود و ہنود کی گمراہ کن پروپیگنڈا مہم متحرک ہوگئی۔امریکا ایران تنازع میں پاکستان کی اصولی سفارت کاری نے بھارت اسرائیل گٹھ جوڑ کو اضطراب کا شکار کردیا، مئی 2025 کی پاک بھارت کشیدگی میں کامیابی کے بعد پاکستان نے خطے میں اپنے بڑھتے اثر و رسوخ کو مؤثر انداز میں استعمال کیا۔اقوام متحدہ اور او آئی سی سمیت علاقائی و عالمی فورمز نے پاکستان کے فعال ثالثی کردار کو تسلیم کیا، پاکستان کے فلسطین پر مؤقف اور بڑھتے سفارتی کردار پر اسرائیل اور بھارت کو تحفظات ہیں۔یہود و ہنود پروپیگنڈا مشینری پاکستان کے مثبت کردار کو کمزور کرنے کے لیے منظم میڈیا مہمات کا سہارا لینے لگی۔اسرائیلی وزیراعظم نیتن یاہو نے امریکی میڈیا پر پاکستان کے خلاف بے بنیاد اور گمراہ کن الزام عائد کیا کہ پاکستان اسرائیل کے خلاف “بوٹ فارمز” کے ذریعے امریکی اکاؤنٹس سے ٹویٹس کرواتا ہے۔نیتن یاہو نے سی بی ایس کے پلیٹ فارم کو استعمال کرتے ہوئے امریکہ اسرائیل تعلقات میں کشیدگی کا الزام بھی پاکستان پر عائد کیا۔

اس بات کا دعویٰ روس کے روزنامے کومرسانت نے روسی وزارت خزانہ کی رپورٹ کے تناظر میں کیا۔رپورٹ میں کہا گیا ہے کہ مارچ اور اپریل میں اوسط قیمت بجٹ میں مقرر کردہ 59 ڈالر فی بیرل سے نمایاں طور پر زیادہ رہی ہے۔مارچ میں یورالز کروڈ کی قیمت 77 ڈالر فی بیرل اور اپریل میں 94.9 ڈالر فی بیرل تک پہنچ گئی۔ ٹیکس ادائیگیاں ایک ماہ کی تاخیر سے کی جاتی ہیں۔ اس لیے مئی میں اضافی آمدن کے بڑھنے کا امکان بھی ہے۔رپورٹ میں کہا گیا ہے کہ مئی میں ادا کیے جانے والے تیل و گیس ٹیکس اسی بنیاد پر شمار کیے جائیں گے تاہم اس میں اضافی آمدن پر ٹیکس شامل نہیں ہوگا۔خیال رہے کہ اقتصادی ترقی کی وزارت کے ماہانہ اعداد و شمار کے مطابق سال کے پہلے چار مہینوں میں یورالز کروڈ کی اوسط قیمت بھی اس سطح سے زیادہ یعنی 64.4 ڈالر فی بیرل رہی۔گو کہ سال بہ سال موازنہ میں موجودہ صورتِ حال اتنی بہتر نہیں لگتی تاہم توقع ہے کہ یہ فرق کم ہو جائے گا کیونکہ گزشتہ سال اپریل سے تیل کی قیمتیں گرنا شروع ہو گئی تھیں اور دسمبر میں 39.2 ڈالر فی بیرل تک پہنچ گئی تھیں۔دوسری جانب بین الاقوامی توانائی ایجنسی نے بتایا کہ مارچ میں روسی پیداوار میں کمی نہیں آئی بلکہ یہ فروری کے 8.67 ملین بیرل یومیہ سے بڑھ کر 8.96 ملین بیرل یومیہ ہوگئی۔اسی طرح ایک اور عنصر جو حتمی آمدن کو متاثر کر سکتا ہے وہ روبل کی شرحِ مبادلہ ہے جو تیل اور گیس کے بنیادی ٹیکس یعنی معدنی وسائل نکالنے کے ٹیکس کے حساب کے فارمولے میں شامل ہے۔

پاکستان نے نور خان ائیر بیس پر ایرانی طیاروں کی موجودگی کے حوالے سے خبروں کو گمراہ کن قرار دیتے ہوئے مسترد کر دیا۔دفتر خارجہ کی جانب سے سوشل میڈیا پر جاری بیان میں نور خان ائیر بیس پر ایرانی طیاروں کی موجودگی کے حوالے سے سی بی ایس نیوز کی رپورٹ کو مسترد کیا گیا۔پاکستانی دفتر خارجہ نے سی بی ایس نیوز کی رپورٹ کو گمراہ کن اور سنسنی خیز قرار دیتے ہوئے کہا کہ ایسی قیاس آرائی پر مبنی بیانیے کا مقصد علاقائی استحکام اور امن کے لیے جاری کوششوں کو نقصان پہنچانا ہے۔دفتر خارجہ کی جانب سے جاری بیان میں کہا گیا ہے کہ جنگ بندی کے بعد اور اسلام آباد مذاکرات کے ابتدائی مرحلے کے دوران، ایران اور امریکا کے متعدد طیارے پاکستان پہنچے تاکہ سفارتی عملے، سکیورٹی ٹیموں اور مذاکراتی عمل کے عملے کی آمد و رفت کو آسان بنایا جا سکے، بعض طیارے اور معاون عملہ مذاکرات کے اگلے دور کی توقع کے پیش نظر پاکستان میں ہی موجود رہا۔اگرچہ باضابطہ مذاکرات ابھی دوبارہ شروع نہیں ہوئے، تاہم اعلیٰ سطح کے سفارتی روابط جاری ہیں، اسی تناظر میں ایرانی وزیر خارجہ کے اسلام آباد کے دوروں کو موجودہ انتظامی اور لاجسٹک سہولیات کے ذریعے ممکن بنایا گیا۔پاکستان میں موجود ایرانی طیارہ جنگ بندی کے دوران آیا تھا اور اس کا کسی بھی فوجی ہنگامی صورتحال یا حفاظتی انتظامات سے کوئی تعلق نہیں۔

دنیا کی مشہور ٹیکنالوجی کمپنی گوگل کو برطانیہ میں ایک بار پھر بڑے قانونی چیلنج کا سامنا ہے، جہاں اس پر آن لائن اشتہارات کے شعبے میں اپنی طاقت کا غلط فائدہ اٹھانے کا الزام لگایا گیا ہے۔
برطانیہ میں گوگل کے خلاف دائر کیے گئے نئے مقدمے میں مؤقف اپنایا گیا ہے کہ کمپنی نے آن لائن اشتہارات کی مارکیٹ میں اپنی مضبوط پوزیشن استعمال کرتے ہوئے اپنے ہی اشتہاری نظام کو ترجیح دی، جبکہ دوسری کمپنیوں کے لیے مشکلات پیدا کیں۔
قانونی فرم کے پی لا کے مطابق اس مقدمے میں گوگل سے تقریباً 3 ارب پاؤنڈ، یعنی تقریباً 4 ارب ڈالر، ہرجانے کی رقم طلب کی گئی ہے۔ مقدمے میں مؤقف اختیار کیا گیا ہے کہ گوگل نے آن لائن ڈسپلے ایڈورٹائزنگ، جیسے ویب سائٹس پر نظر آنے والے بینر اشتہارات، کے شعبے میں اپنے ہی اشتہاری سروسز کو ترجیح دی جبکہ حریف کمپنیوں کے لیے مشکلات پیدا کیں۔
یہ ایک اجتماعی قانونی کارروائی ہے جس کا مطلب یہ ہے کہ اکتوبر 2015 سے اب تک جن برطانوی اداروں نے گوگل کی اشتہاری خدمات استعمال کی ہیں وہ اس مقدمے کا حصہ بن چکے ہیں، جب تک کہ وہ خود اس سے الگ ہونے کا اعلان نہ کریں۔ یہ کارروائی ان متعدد عالمی تحقیقات کا حصہ ہے جو گوگل کے اشتہاری کاروبار کے خلاف امریکا اور یورپی یونین میں بھی جاری ہیں۔
دوسری جانب گوگل نے ان الزامات کو مسترد کردیا ہے اور گوگل کے ترجمان کا کہنا ہے کہ مشتہرین کے پاس بہت سے دیگر انتخاب موجود ہیں لیکن وہ گوگل کے ٹولز کا انتخاب اس لیے کرتے ہیں کیونکہ وہ سادہ، سستے اور بہترین نتائج فراہم کرنے والے ہیں۔ کمپنی کا یہ بھی کہنا ہے کہ ابھی تک انہیں باضابطہ طور پر یہ دعویٰ موصول نہیں ہوا ہے

امریکی اخبار وال اسٹریٹ جرنل نے دعویٰ کیا ہے کہ تہران نے جنگ کے خاتمے کے لیے بھیجے گئے اپنے جواب میں محدود مدت کے لیے یورینیم افزودگی روکنے پر آمادگی ظاہر کی ہے تاہم امریکا کی طویل المدتی شرائط ماننے سے انکار کردیا۔
رپورٹ کے مطابق واشنگٹن کی جانب سے ایران سے 20 برس تک یورینیم افزودگی نہ کرنے کا مطالبہ کیا گیا تھا جسے ایرانی قیادت نے ناقابلِ قبول قرار دے دیا۔
ذرائع کا کہنا ہے کہ ایران نے اپنے ردعمل میں مرحلہ وار جنگ بندی، آبنائے ہرمز کو بتدریج کھولنے اور آئندہ 30 روز کے اندر نئے مذاکرات شروع کرنے کی تجویز بھی دی ہے۔
امریکی اخبار کے مطابق تہران نے واضح کیا ہے کہ اگر پابندیاں ختم کی جائیں اور بحری ناکہ بندی ہٹائی جائے تو خطے میں کشیدگی کم کرنے پر پیش رفت ممکن ہوسکتی ہے۔
اس کے ساتھ ایران نے اپنے منجمد اثاثے بحال کرنے اور تیل کی برآمدات پر عائد پابندیاں فوری ختم کرنے کا مطالبہ بھی دہرایا ہے۔
دوسری جانب ایرانی سرکاری ذرائع نے وال اسٹریٹ جرنل کی رپورٹ کو گمراہ کن قرار دیتے ہوئے کہا ہے کہ امریکی اخبار نے جوہری معاملے سے متعلق اہم نکات درست انداز میں پیش نہیں کیے۔
ایرانی سرکاری خبر ایجنسی کے مطابق تہران کے اصل مؤقف میں فوری اور مکمل جنگ بندی، مستقبل میں کسی بھی حملے کے خلاف ضمانت، تمام اقتصادی پابندیوں کے خاتمے اور معاہدے پر دستخط ہوتے ہی بحری ناکہ بندی ختم کرنے کا مطالبہ شامل ہے۔
ایرانی ذرائع کا کہنا ہے کہ تہران نے اپنے جواب میں یہ بھی واضح کیا ہے کہ جوہری تنصیبات ختم کرنے یا مکمل طور پر جوہری پروگرام بند کرنے کا امریکی مطالبہ ہرگز قبول نہیں کیا جائے گا۔