امریکی صدر ڈونلڈ ٹرمپ نے کہا ہے کہ اسرائیلی وزیراعظم سے تعلقات اچھے ہیں، تاہم کبھی کبھار ہمیں نیتن یاہو کو تھوڑا سا عقل کے دائرے میں رکھنا پڑتا ہے۔ایک سوال کے جواب میں کہ کیا وہ اسرائیل کو لبنان پر حملوں سے روک سکتے ہیں، ٹرمپ نے دعوی کیا کہ اسرائیل ان کا بہت احترام کرتا ہے اور وہ وہی کرتے ہیں جو میں کہتا ہوں۔ٹرمپ نے مزید کہا کہ اگر ڈونلڈ ٹرمپ نہ ہوتا تو اسرائیل تباہ ہو چکا ہوتا اور اس کا کریڈٹ امریکی فوجی طاقت، خصوصاً بی-2 بمبار طیاروں اور امریکی حمایت کو دیا۔حالیہ ہفتوں میں ٹرمپ اور نیتن یاہو کے درمیان لبنان اور ایران سے متعلق پالیسیوں پر اختلافات بھی سامنے آئے ہیں۔ٹرمپ نے بعض اسرائیلی کارروائیوں کو “زیادہ سخت” قرار دیا اور نیتن یاہو پر زیادہ ذمہ داری کا مظاہرہ کرنے پر زور دیا تھا
