ایران کا امریکا سے مذاکرات سے انکار نیویارک میں نئے مذاکرات کا کوئی پلان نہیں

ایران نے امریکا کے ساتھ نیویارک میں نئے مذاکرات کی خبروں کی تردید کردی۔ ایرانی وفد کے قریبی ذرائع کے مطابق امریکی حکام سے بالمشافہ ملاقات یا مذاکرات کا کوئی نیا دور شیڈول میں شامل نہیں۔
ایران نے گزشتہ منگل کو قطری ثالث کے ذریعے اپنا مؤقف اور تحفظات واشنگٹن تک پہنچا دیے تھے اور اب امریکی ردِعمل کا انتظار ہے۔ ایرانی وزیرِ خارجہ عباس عراقچی بھی اپنے طے شدہ پروگرام کی تکمیل کے بعد منگل کو وطن واپس روانہ ہوں گے۔
دوسری جانب امریکی ویب سائٹ ایگزیوس کے مطابق ایران اور امریکا کے درمیان جوہری تنازع سمیت دیگر معاملات پر ثالثوں کے ذریعے رابطے جاری ہیں، جبکہ قطر دونوں ممالک کے درمیان اہم ثالث کا کردار ادا کر رہا ہے