خیبرپختونخوا کا کا بجٹ آج پیش ہوگا، تنخواہوں میں 7 فیصد اضافہ متوقع

حکومت آئندہ مالی سال 2026-27 کا 2170ارب روپے سے زائد خسارے کا بجٹ آج پیش کرنے جا رہی ہے، بجٹ میں ترقیاتی منصوبوں، تنخواہوں، پنشن اور سماجی شعبوں کے لیے بڑے فیصلے متوقع ہیں۔ذرائع کے مطابق صوبائی حکومت کو50 ارب روپے سے زائد خسارے کا سامنا ہے، جس کے باعث یہ بجٹ خسارے کے طور پر پیش کیا جا رہا ہے۔بجٹ میں صوبہ خیبر پختونخوا کو وفاق کی جانب سے مجموعی طور پر ایک ہزار 443 ارب روپے ملنے کی توقع ہے، پن بجلی خالص منافع کی مد میں 105 ارب سے زائد، سال بھر کے دوران صوبہ کے اپنے وسائل سے آمدن کا تخمینہ 180 ارب روپے لگایا گیا ہے،فنانس بل کے مطابق مجموعی بجٹ کا حجم 2170 ارب روپے سے زائد خسارے کا ہے، جس میں سالانہ ترقیاتی پروگرام کیلئے 519ارب روپے مختص کرنے کی تجویز ہے۔صوبائی حکومت اپنے وسائل سے 235ارب روپے، بین الاقوامی امدادی اداروں کی جانب سے 150ارب، ضم اضلاع ترقیاتی پروگرام کی مد میں 27ارب اور ضم اضلاع تیز رفتار ترقیاتی پروگرام کیلئے 52ارب روپے جبکہ ترقیاتی پروگرام کا دو فیصد مختص کرنے کی سفارش کی گئی ہے۔صوبائی بجت میں بلدیاتی حکومتوں کیلئے یعنی بندوبستی اضلاع کیلئے 47ارب اور ضم اضلاع کیلئے 8ارب مختص کرنے کی سفارش ہے۔خیبرپختونخوا بجٹ 27 – 2026 میں تنخواہوں اور پنشن میں 7،7 فیصد اضافہ کا امکان ہے، جبکہ 2022 اور 2025 کے ایڈہاک ریلیف کو ضم کرنے کی تجویز بھی پیش کی گئی ہے، اس کے علاوہ وفاقی پالیسی کے مطابق تنخواہوں میں بھی اضافہ متوقع ہے۔ذرائع کے مطابق بجٹ میں صحت کارڈ کیلئے 50 ارب روپے رکھنے کی تجویز ہے، ہسپتالوں کیلئے ادویات کی مد میں 15 ارب روپے رکھے جائیں گے ، بجٹ میں کالجز اور یونی ورسٹیوں کے طلبا کو بلاسود قرضے دینے کی بھی تجویز ہے، محکمہ اعلی تعلیم کیلئے 50ارب سے زائد رکھنے کی سفارش کی گئی ہے۔بجٹ میں قرضوں پر سود کی رقم حکومت کی جانب سے ادا کی جائے گی ، چھوٹی صنعتوں کو 50 فیصد مارک اپ پر قرضہ دئیے جائیں گے، بجٹ میں خواتین کو روزگار اور ملک سے باہر جانے والے افراد کو بھی بلاسود قرضے دینے کی تجویز ہے۔پاکستان تحریک انصاف کی جانب سے تین ماہ کا بجٹ پیش کرنے کی تجویز سامنے آئی تھی، تاہم اب صوبائی حکومت نے پورے سال کیلئے بجٹ پیش کرنے کا فیصلہ کیا ہے، بجٹ کی منظوری کیلئے آج صبح صوبائی کابینہ کا اجلاس بھی طلب کیا گیا ہے، جس کے بعد بجٹ صوبائی ایوان میں پیش کیا جائیگا۔یاد رہے کہ وفاق، پنجاب، سندھ اور بلوچستان کے بجٹ کے بعد اب خیبرپختونخوا حکومت آئندہ مالی سال 2026-27 کا 2170ارب روپے سے زائد خسارے کا بجٹ آج پیش کرنے جا رہی ہے