شندور پولو فیسٹیول کا فائنل گلگت بلتستان کے نام

تفصیلات کے مطابق فائنل میچ میں گلگت بلتستان کی ٹیم نے چترال کو 6 گول کے مقابلے میں 5 گول سے شکست دی۔
اختتامی تقریب کے مہمان خصوصی کور کمانڈر الیون کور لیفٹیننٹ جنرل عمر احمد بخاری تھے جنہوں نے گیند پھینک کر فائنل میچ کا آغاز کیا۔
میچ کے پہلے ہاف میں چترال نے پانچ اور گلگت نے چار گول کیے۔
چترال کی ٹیم کو 13 سال بعد شکست کا سامنا کرنا پڑا۔ فائنل میچ کی فتح پر گلگت بلتستان کے کھلاڑیوں نے پولو گرائونڈ میں چشن منایا۔
پولو فیسٹیول پاک فوج، خیبرپختونخوا کلچر اینڈ ٹورازم اتھارٹی، چترال اسکاؤٹس اور ضلعی انتظامیہ کے تعاون سے منعقد ہوا۔