مصباح کوچ سابق ہیڈ کوچ مصباح الحق نیپال پریمیئر لیگ کی ٹیم سودرپسچم رائلز کے ہیڈ کوچ مقرر

پاکستان کرکٹ ٹیم کے سابق ہیڈ کوچ مصباح الحق نیپال پریمیئر لیگ کی ٹیم سودرپسچم رائلز کے ہیڈ کوچ مقرر ہوگئے ہیں۔
مصباح الحق نے ٹیم سے وابستگی پر خوشی کا اظہار کرتے ہوئے کہا کہ وہ سودرپسچم رائلز کا حصہ بننے پر بہت پرجوش ہیں۔ ان کے مطابق نیپال میں کرکٹ کے حوالے سے زبردست جوش و جذبہ پایا جاتا ہے اور وہ اس ماحول کا حصہ بننے کے منتظر ہیں۔
نیپال پریمیئر لیگ 26 اکتوبر سے 21 نومبر تک منعقد ہوگی۔ مصباح الحق اس سے قبل پاکستان کرکٹ ٹیم کے ہیڈ کوچ رہ چکے ہیں اور حال ہی میں قومی سلیکشن کمیٹی سے بھی الگ ہوئے ہیں۔