سہیل آفریدی سمیت پی ٹی آئی کے 24 ارکان کے پاسپورٹ بلاک اے ٹی سی کا ایف آئی اے کو پاسپورٹ بلاک کرنے کا حکم

اسلام آباد کی انسدادِ دہشت گردی عدالت نے وزیراعلیٰ خیبرپختونخوا سہیل آفریدی سمیت پی ٹی آئی کے 24 ارکانِ اسمبلی کے پاسپورٹ بلاک کرنے کا حکم دے دیا۔
عدالت نے یہ فیصلہ تھانہ کوہسار میں درج مقدمے کے سلسلے میں پولیس کی درخواست پر جاری کیا۔ تفتیشی افسر نے مؤقف اختیار کیا کہ ملزمان قانونی کارروائی سے بچنے کے لیے ملک سے فرار ہوسکتے ہیں۔
عدالتی فیصلے کے مطابق دستیاب ریکارڈ میں تمام افراد اس مقدمے میں نامزد ہیں۔ عدالت نے ایف آئی اے کو اگلے احکامات تک ملزمان کے پاسپورٹ بلاک کرنے کی ہدایت کردی۔
فہرست میں سہیل آفریدی کے علاوہ عمر ایوب، اسد قیصر، جنید اکبر، شہرام ترکئی، شاہد خٹک، شیر علی ارباب، اقبال آفریدی اور دیگر پی ٹی آئی رہنما شامل ہیں۔