ہم مشہور ہو رہے ہیں تو اپ کو کیا تکلیف ہے گووندا کا سب کو کرارا جواب

بالی وڈ اداکار گووندا نے اپنی ساتھی اداکارہ کومل رانی سورنکر کے ساتھ ممبئی میں مندر کے دورے پر ہونے والی قیاس آرائیوں پر وضاحت دے دی۔ دونوں کی مندر سے تصاویر اور ویڈیوز سوشل میڈیا پر وائرل ہوئی تھیں۔
گووندا نے بھارتی میڈیا کو بتایا کہ وہ کومل رانی کے ساتھ اپنی آنے والی فلم ’روپا‘ کی کامیابی کے لیے مندر میں دعا کرنے گئے تھے۔ ان کا کہنا تھا کہ کومل رانی فلم میں ان کے مدمقابل اداکاری کر رہی ہیں، اسی لیے فلم کی کامیابی کے لیے یہ دورہ کیا گیا۔
اداکار نے کہا کہ وہ ماضی میں بھی اپنی ساتھی اداکاراؤں کرشمہ کپور اور روینہ ٹنڈن کے ساتھ مندر جا چکے ہیں اور ان فلموں کی کامیابی کے لیے بھی دعا کی تھی۔ گووندا نے مندر کے دورے پر ہونے والی بحث پر کہا کہ اگر وہ مشہور ہو رہے ہیں تو اس پر دوسروں کو کیا تکلیف ہے۔