خیبر پختون خوا کے میدانی علاقوں کے تعلیمی اداروں میں موسم گرما کی تعطیلات کا اعلان کر دیا گیا۔
ذرائع محکمہ تعلیم کے مطابق 22 مئی سے 31 اگست 2026 تک ہوں گی۔
اعلامیے کے مطابق میدانی علاقوں میں گرمیوں کی تعطیلات یکم جون سے 31 اگست 2026 تک ہونا تھیں۔
عید کی تعطیلات اور 22 مئی کو جمعہ ہفتہ اور اتوار کی ہفتہ وار تعطیلات کی وجہ سے چھٹیاں 22 مئی سے ہی کر دیں جائیں گی۔
خیبر پختون خوا کے میدانی اور سرد ترین پہاڑی علاقوں میں گرمیوں کی تعطیلات کا اعلامیہ پہلے سے شیڈول ہے۔
محکمہ تعلیم حکام کے مطابق خیبر پختون خوا کے سرد ترین پہاڑی علاقوں میں موسم گرما کی تعطیلات یکم جولائی سے 31 جولائی 2026 تک ہوں گی۔

انمول عرف پنکی نے جوڈیشل کمپلیکس پیشی کے موقع پر آج بھی شور شرابہ کیا اور کچھ نئے نام بھی اگل دیے۔پولیس کی جانب سے سیکیورٹی وجوہات پر منشیات ڈیلر انمول عرف پنکی کو بغدادی تھانے میں منشیات کے استعمال اور قتل سے متعلق کیس میں جوڈیشل کمپلیکس پہنچایا گیا۔ملزمہ کو جوڈیشل مجسٹریٹ کے روبرو سخت سیکیورٹی میں پیش کیا گیا، جہاں پولیس کی جانب سے انمول عرف پنکی کے مزید جسمانی ریمانڈ کی استدعا کی گئی۔ اس موقع پر میڈیا اور عام افراد کو اندر آنے جانے سے روک دیا گیا تھا۔واضح رہے کہ آج صبح درخشاں پولیس کی جانب سے بھی سٹی کورٹ میں عدالتی ریمانڈ کے خلاف نظرثانی کی درخواست دائر کی گئی تھی۔آج جوڈیشل کمپلیکس میں پیشی کے موقع پر انمول عرف پنکی نے میڈیا کو دیکھ کر شور شرابہ کیا، تاہم پولیس نے میڈیا کے نمائندوں کو دھکیل کر قریب آنے سے روک دیا اور جیسے ہی ملزمہ نے بولنا شروع کیا تو پولیس کی جانب سے شور مچایا گیا۔جوڈیشل کمپلیکس آمد پر ملزمہ نے تفتیشی افسر کو کمرہ عدالت میں دھمکیاں بھی دیں۔ پنکی نے کمرہ عدالت میں صحافیوں سے غیر رسمی بات کرتے ہوئے بتایا کہ مجھے تشدد کا نشانہ بنایا، ایس آئی او نے تھپڑ مارا ہے۔ مجھے آئی او نے دھمکیاں دیں اور کہا کہ منیب بٹ اور راجہ پرویز کا نام لینا ہے۔ مجھ سے کہا جا رہا ہے کہ ان کا نام لو۔ملزمہ نے وکیل سے مکالمہ کرتے ہوئے کہا کہ مجھے 20دن سے اُٹھایا ہوا ہے۔ مجھے ابھی ابھی اندر لاتے ہوئے ایس آئی او نے تھپڑ مارا ہے۔ اس موقع پر ملزمہ کی جانب سے لیاقت گبول نے وکالت نامہ عدالت میں دائر کردیا۔بغدادی تھانے میں منشیات کے استعمال اور قتل سے متعلق کیس کی سماعت کے آغاز پر جج کے استفسار پر ملزمہ نے بتایا کہ میرا نام انمول ہے۔ دورانِ سماعت آئی او نے عدالت سے استدعا کی کہ ملزمہ کے خلاف قتل کا مقدمہ درج ہے، مزید ریمانڈ دیا جائے۔سماعت کے موقع پر میڈیا اور عام افراد کو کمرہ عدالت سے باہر نکال دیا گیا اور بند کمرے میں سماعت جاری رہی

جنوبی وزیرستان میں بازار میں ہونے والے خوفناک بم دھماکے میں اہم شخصیت سمیت 3 افراد جاں بحق ہو گئے۔

پولیس کے مطابق جنوبی جنوبی وزیرستان لوئر کے صدر مقام وانا بازار میں بارودی مواد کا دھماکا ہوا ہے۔ ابتدائی اطلاعات کے مطابق دھماکا خانزادہ مارکیٹ کے گیٹ کے قریب پیش آیا۔
خوفناک دھماکے میں جاں بحق ہونے والوں میں چیف آف احمد زئی وزیر ملک طارق خان، ملک سرفراز خان اور یارگل خیل جان شامل ہیں، جبکہ
2 افراد شدید زخمی بھی ہوئے ہیں۔
مقامی ذرائع کا کہنا ہے کہ دھماکے میں ملک طارق خان کی گاڑی کو نشانہ بنایا گیا۔ پولیس کے مطابق زخمیوں کو فوری طور پر ہیڈکوارٹر اسپتال وانا منتقل کر دیا گیا ہے۔
پولیس نے علاقے کو گھیرے میں لے کر تفتیش شروع کردی ہے۔

وزیر دفاع خواجہ محمد آصف نے ایکس پر پوسٹ میں لکھا ’’پنکی ایپسٹین فائلز کا پاکستانی ورژن ہے۔‘‘ یاد رہے ایپسٹین فائلز امریکی محکمہ انصاف نے جاری کی تھیں، جس میں جیفری ایپسٹین کے کم عمر بچیوں کے خلاف جنسی جرائم، منشیات کے استعمال اور امریکا سمیت دنیا بھر کی اہم شخصیات کا ذکر تھا۔
خواجہ آصف کا ایپسٹین فائلز کی طرف اشارہ اسی بنیاد پر دکھائی دیتا ہے کہ انمول پنکی کے گاہکوں میں بھی بڑے بڑے نام شامل ہیں، انکشاف کیا گیا ہے کہ پنکی کے گاہکوں کی فہرست میں 30 کے قریب سیاست دانوں کے نام بھی شامل ہیں، اور اس کی رپورٹ وزیر اعلیٰ سندھ کو پیش کی گئی ہے
ذرائع کا کہنا ہے کہ اس رپورٹ سے سیاسی و سماجی حلقوں میں کھلبلی مچ گئی ہے، سندھ حکومت کے حوالے کی جانے والی اس انتہائی خفیہ رپورٹ میں ’پنکی کوکین نیٹ ورک‘ کے تمام بڑے گاہکوں کی تفصیلات موجود ہیں۔ ابتدائی رپورٹ میں یہ تفصیلی خاکہ پیش کیا گیا ہے کہ یہ نیٹ ورک کس طرح کام کرتا تھا اور شہر کے کن وی آئی پی حلقوں، بالخصوص لگ بھگ 30 سیاست دانوں کو مہنگی ترین منشیات سپلائی کی جا رہی تھی۔