اشعب عرفان کی بھارتی حریف کے خلاف فتح سیمی فائنل میں بھارت کے ٹاپ سیڈ کھلاڑی سے مقابلہ

ایشین گیمز کے اسکواش ایونٹ میں پاکستان کے محمد اشعب عرفان نے کوارٹر فائنل میں بھارتی کھلاڑی ویر چوٹانی کو 1-3 سے شکست دے کر سیمی فائنل میں جگہ بنا لی اور پاکستان کے لیے ایک اور میڈل یقینی بنا دیا۔
اشعب عرفان نے پہلا گیم 6-11 سے ہارنے کے بعد شاندار کم بیک کیا اور مسلسل تین گیمز 11-8، 11-3 اور 11-3 سے جیت کر کامیابی حاصل کی۔ سیمی فائنل میں ان کا مقابلہ بھارت کے ٹاپ سیڈ کھلاڑی سے ہوگا، جبکہ شکست کی صورت میں بھی اشعب کو برانز میڈل ملے گا۔