شہرِ قائد میں جعلی کرنسی چلانے کا ایک اور ایسا انوکھا واقعہ سامنے آیا ہے، جس نے دکانداروں سمیت سوشل میڈیا صارفین کو بھی حیران کر دیا ہے۔
حال ہی میں ایک شخص نے دکاندار کو 500 روپے کا ایک ایسا جعلی نوٹ تھما دیا جس پر بانیِ پاکستان قائداعظم محمد علی جناح کی ایسی تصویر چھپی ہے جو آرٹیفیشل انٹیلی جنس (AI) کی مدد سے تیار کی گئی ہے۔
اس جعلی نوٹ کی خاص بات یہ ہے کہ اس میں قائدِ اعظم کی اصل نوٹ سے ملتی جلتی روایتی تصویر کے بجائے سردیوں میں پہنے جانے والے ’ہیوی ونٹر کوٹ‘ میں ملبوس دکھایا گیا ہے۔
جا رہا ہے۔
ایک طرف لوگ اس تخلیقی دھوکے پر حیران ہیں، تو دوسری جانب ماہرین نے خبردار کیا ہے کہ اے آئی ٹولز کی مدد سے جعلی دستاویزات اور کرنسی بنانا ایک سنگین جرم ہے۔ اس سلسلے میں صارفین کو بھی محتاط ہونا ہوگا۔
صارفین نے مطالبہ کیا ہے کہ متعلقہ ادارے اس معاملے کا سختی سے نوٹس لیں اور جعلی کرنسی کی روک تھام کے لیے مزید سخت اقدامات کیے جائیں تاکہ دکاندار اور عام شہری ایسے دھوکے بازوں سے محفوظ رہ سکیں۔

عید کے تینوں روز قے، اسہال اور پیٹ درد کے مریضوں کا سرکاری اسپتالوں میں رش نظر آیا۔
ایمرجنسی انچارج سول اسپتال ڈاکٹرعمران کے مطابق عید کے دوسرے روز 100 سے زائد مریض الٹی، پیٹ درد کی شکایات کے ساتھ سول اسپتال پہنچے جبکہ عید کے تیسرے روز معدے کے امراض میں مبتلا 100 سے زائد مریض آئے۔
دوسری جانب جناح اسپتال میں بھی عید کے پہلے روز پیٹ کے امراض کا شکار 50سے زائد مریض آئے۔
ایمرجنسی انچارج سول اسپتال عرفان صدیقی نے بتایا کہ زیادہ گوشت، کم پانی، غیر متوازن خوراک سے قے، اسہال اور بدہضمی کی شکایات بڑھ گئی ہیں۔
اسی حوالے سے طبی ماہرین کا کہنا ہے کہ گوشت کے ساتھ سبزیوں اور پانی کا کم استعمال نظام ہاضمہ پر بوجھ ڈال سکتا ہے، گوشت کے ساتھ سلاد، سبزیاں اور پانی کا زیادہ استعمال معدے کے مسائل سے بچا سکتا ہے۔
طبی ماہرین نے شہریوں کو بیک وقت زیادہ مقدار میں گوشت کھانے سے گریز کرنے کی ہدایت کی ہے۔

دیربالا اور دیرلویر میں دریائے پنچکوڑہ میں نہاتے ہوئے چار افراد ڈوب گئے ہیں۔ تفصیلات کے مطابق رسیکیو دیرلویر نے ڈوبنے والے دو افراد کی لاشیں دریائے پنچکوڑہ سے نکال کر ورثاء کے حوالہ کردیں۔دوسری جانب دریائے پنچکوڑہ میں ڈوبنے والے مزید دو افراد کی تلاش کے لئے ریکسیو آپریشن جاری ہے

ویب ڈیسک: عید کے دوسرے دن ضلع مردان کی تحصیل رستم میں ٹریفک حادثات کے دوران مجموعی طور پر 16افراد زخمی ہو گئَے، جن میں خواتین اور بچے شامل ہیں۔ریسکیو ذرائع کے مطابق رستم میں پیش آنے والے پہلا حادثہ چارگلی میں پیش آیا جہاں لوڈر چنگ چی الٹنے کے حادثہ میں 11 افراد زخمی ہوئے ہیں جن میِں بچے اور خواتین شامل ہیں ، اس واقعہ کی اطلاع ملتے ہی ایمبولینسیں اور میڈیکل ٹیم موقع پر پہنچ گئیں، اور زخمیوں کو ابتدائی طبی امداد فراہم کرتے ہوئے ہسپتال منتقل کر دیا۔ادھر رستم شہیدانو میں موٹر سائیکلوں کی آپس میں ٹکرانے کے نتیجے میں 5 افراد زخمی ہو گئے، جس کی اطلاع ملتے ہی ریسکیو میڈیکل ٹیم موقع پر پہنچ گئی اور زخمیوں کو ابتدائی طبی امداد فراہم کرتے ہوئے ہسپتال منتقل کر دیا۔رستم میں ٹریفک حادثات کی وجہ سے عید کاپر مسرت دن افسوس میں بدل گیا، شہیدانو میں ہونے والے حادثے کے زخمیوں میں 18 سالہ خذیفہ ، 17 سالہ عاصم ساکنان مچی، 60 سالہ سکنہ تاجہ کے لیار خان ، 16 سالہ سید اور 28 سالہ عباس سکنہ رستم شامل ہیں

مغز مصالحہ عیدالاضحیٰ سمیت دیگر اہم مواقع پر شوق سے تیار کی جانے والی نہایت مزیدار اور روایتی پاکستانی ڈش مانی جاتی ہے، اگر آپ گھر میں ریسٹورنٹ جیسا ذائقہ حاصل کرنا چاہتے ہیں تو یہ آسان اور مصالحے دار ریسپی ضرور آزمائیں۔مزیدار مغز مصالحہ کی تیاری کیلئے اجزاء مٹن مغز: 2 عدد لہسن ادرک پیسٹ: 1 کھانے کا چمچ مکھن: 150 گرام سرخ مرچ پاؤڈر: 1 چائے کا چمچ پسا گرم مصالحہ: ڈیڑھ چائے کا چمچ ہری مرچیں: 3 عدد سرخ ٹماٹر: 3 عدد ابلی ہوئی پیاز: 2 عدد ہلدی: ڈیڑھ چائے کا چمچ دہی: 2 کھانے کے چمچ ہرا دھنیا: آدھی گڈی نمک: حسبِ ذائقہ اس اہم پکوان کی تیاری کا طریقہ سب سے پہلے مغز کو اچھی طرح ابال لیں اور اس کی جھلی صاف کرکے چھوٹے چھوٹے ٹکڑوں میں کاٹ لیں۔ اب ایک توے یا پین میں مکھن گرم کریں۔ اس میں لہسن ادرک پیسٹ شامل کریں اور ہلکا سا بھونیں۔پھر ہلدی، نمک، سرخ مرچ، ٹماٹر اور ابلی ہوئی پیاز کی پیسٹ شامل کرکے اچھی طرح بھون لیں تاکہ مصالحہ خوشبودار اور گاڑھا ہوجائے۔ اس کے بعد مغز شامل کرکے ہلکی آنچ پر اچھی طرح بھونیں اور چند منٹ کیلئے ڈھکن ڈھانپ دیں، جب مصالحہ اچھی طرح سرخ ہوجائے تو اس میں دہی شامل کریں اور مزید پکائیں۔آخر میں پسا ہوا گرم مصالحہ، ہری مرچیں اور ہرا دھنیا شامل کرکے 2 سے 3 منٹ دم پر رکھ دیں۔ مزیدار گرما گرم مغز مصالحہ نان، روٹی یا پراٹھے کے ساتھ مہمانوں کو پیش کریں یا خود اس کا مزہ لیں۔